ନୂଆପଡ଼ା: ଖଡ଼ିଆଲ କୋଟାମାଲ ଗ୍ରାମର ଚାଷୀ ଝରପୋଡ଼ ଶବର ଗୁରୁବାର ଆତ୍ମହତ୍ୟା କରିଛନ୍ତି। ମିଳିଥିବା ସୂଚନା ଅନୁସାରେ କପା ଓ ଧାନ ଫସଲ ନଷ୍ଟ ହେବାରୁ ସେ ବିଲରେ ଥିବା ବେଳେ କୀଟନାଶକ ପିଇ ଦେଇଥିଲେ। ସେ ସ୍ୱଂୟ ସହାୟକ ଗୋଷ୍ଠୀରୁ ୫୦ ହଜାର ଟଙ୍କା ଋଣ ନେଇ ୫ ଏକର ଜମିରେ ଧାନ ଓ କପା ଚାଷ କରିଥିଲେ। ତାଙ୍କୁ ଗୁରୁତର ଅବସ୍ଥାରେ ଖଡ଼ଆଲ ମିଶନ ହସ୍ପିଟାଲରେ ଭର୍ତ୍ତ କରାଯାଇଥିଲା। ଚିକିତ୍ସଧୀନ ଅବସ୍ଥାରେ ଝରପୋଡ଼ଙ୍କ ମୃତ୍ୟୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଗତ ନଭେମ୍ବର ୨୧ରେ କୁମୁନା ବ୍ଲକ ଅନ୍ତର୍ଗତ ଭରୁଆମୁଣ୍ଡା ଗ୍ରାମର ସାଗର ଦୀପ କୀଟନାଶକ ପିଇ ଗୁରତର ହେବାରୁ ତାଙ୍କୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେ ମଧ୍ୟ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲେ। ଏହି ଘଟଣାକୁ ନେଇ ବୁଧବାର ବିଜେପି ପକ୍ଷରୁ କରବୋଡ଼ ରାସ୍ତାରୋକ କରିଥିବା ବେଳ ଗୁରୁବାର ପୁଣି ଖଡ଼ିଆଲ ଥାନା ସମ୍ମୁଖରେ ରାସ୍ତାରୋକ କରାଯାଇଥିଲା।