ନୂଆପଡ଼ା : ନୂଆପଡ଼ା ଜିଲ୍ଲା ବୋଡ଼େନ ଥାନା ଅନ୍ତର୍ଗତ ଚିକଳଚୁଆଁ ଗ୍ରାମର ଦ୍ବଇଜଣ କଲେଜ ଛାତ୍ରୀଙ୍କୁ ଛୁରାମାଡ଼ ହୋଇଥିବା ଖବର ହସ୍ତଗତ ହୋଇଛି । ଏହି ଛୁରାମାଡ଼ରେ ଆହତ ହୋଇ ଛାତ୍ରୀ ଦୁଇଜଣ  ବୋଡ଼େନ ଡାକ୍ତରଖାନରେ ଚିକିତ୍ସିତ ହେଉଛନ୍ତି । ଏହି ଛୁରାମାଡ଼ କରିଥିବା ଅଭିଯୋଗରେ ସ୍ଥାନୀୟ ବୋଇରଗାଁ ହାଇସ୍କୁଲର କିରାଣୀକୁ ପୁଲିସ ଗିରଫ କରିଛି ।

Advertisment

ମିଳିଥିବା ସୂଚନା ଅନୁଯାଇ ବୁଧବାର ଦିନ ବୋଡ଼େନ ଥାନା ଅନ୍ତର୍ଗତ ବୋଇରଗାଁ  ପଞ୍ଚାୟତ  ଚିକଳଚୁଆଁ ଗ୍ରାମର  ଚନ୍ଦ୍ରକା ମାଝୀ (୨୪) ତାର ସାଙ୍ଗ ପ୍ରେମଲତା ଜଗତ(୨୨)  ବୋଡ଼େନ ବିଜୁ ପଟ୍ଟନାୟକ ଯୁକ୍ତ ତିନି କଲେଜରେ ପାଠପଢ଼ନ୍ତି । ଆଜି ଉଭୟ କପଡ଼ା କିଣିବା ପାଇଁ ବୋଡ଼େନ ଆସୁଥିଲେ ।  ଏହି ସମୟରେ  ବୋଇରଗାଁ ହାଇସ୍କୁଲର କିରାଣୀ ଲଳିତ ନାଏକ(୪୨) ବୋଡ଼େନ ସପ୍ତାହିକ ବଜାର ପାଖରେ ଚନ୍ଦ୍ରକା ମାଝୀଙ୍କୁ ୨ଶହ ଟଙ୍କା  ମାଗିଥିଲା।  ପରେ କିଛି ଦ୍ବର ଗଲା ପରେ  ଚନ୍ଦ୍ରକା ଲଲିତଙ୍କୁ ୨ଶହ ଟଙ୍କା ଦେଇଥିଲା । ଏହା ପରେ ପୁଣି ଲଳିତ ଛାତ୍ରୀମାନଙ୍କ ପାଖକୁ ଆସି ଚନ୍ଦ୍ରକାଙ୍କୁ ଭଲ ପାଉଛି ବୋଲି କହିଥିଲା । କିନ୍ତୁ ଏହାକୁ ଚନ୍ଦ୍ରକା ବିରୋଧ କରିବା ସହ ଘଟଣା ସ୍ଥଳରେ କିଛି ସମୟରେ ଉଭୟଙ୍କ ମଧ୍ୟ ବଚସା ହୋଇଥିଲା । ପରେ  ଲଲିତ ରାଗିଯାଇ ଏକ ଧାରୁଆ ଛୁରୀରେ  ଚନ୍ଦ୍ରକା ଓ ପ୍ରେମଲତାଙ୍କୁ ଆକ୍ରମଣ କରିଥିଲା । ଚନ୍ଦ୍ରକାରର ଦ୍ବଇଟି ହାତ ଓ ପିଠିରେ ଛୁରା ମାଡ଼ ହୋଇଥିଲା ବେଳେ ପ୍ରେମଲତାଙ୍କ ତଲିପେଟରେ ଛୁରୀ ମାଡ଼ ହୋଇଛି । ଉଭୟଙ୍କୁ ତୁରନ୍ତ ବୋଡ଼େନ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ଦୁଇ ଝିଅଙ୍କ  ଅବସ୍ଥା ସୁସ୍ଥ ଥିବା  ବୋଡ଼େନ ସିଏଚସି ଡାକ୍ତର ସ୍ମୃତିରଞ୍ଜନ ସିଂ ନିନା କହିଛନ୍ତି ।  ଦ୍ବଇ ପୀଡ଼ିତାଙ୍କ ଲିଖିତ ଅଭିଯୋଗ ପରେ  ଲଳିତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ବୋଡ଼େନ ଥାନା ଅଧିକାରୀ  ଶୁଭଙ୍କର ସେଠ୍ କହିଛନ୍ତି ।