ନୂଆପଡ଼ା: ଅନେକ ଦିନର ନିରବତା ପରେ ଓଡ଼ିଶା-ଛତିଶଗଡ଼ ରାଜ୍ୟର ସୀମାରେ ଓଡ଼ିଶା ରାଜ୍ୟ କମିଟି ମାଓବାଦୀଙ୍କ ବ୍ୟାନର ପୋଷ୍ଟର ଦେଖିବାକୁ ମିଳିଛି। ଛତିଶଗଡ଼ ରାଜ୍ୟର ଦେଓଭୋଗ-ଗରିଆବନ୍ଧ ରାଜ୍ୟ ରାଜପଥର ବୁଢଗେଲଟପ୍ପା ଗାଁ ନିକଟରେ ଗଛ କାଟି ରାସ୍ତା ଅବରୋଧ କରି ବ୍ୟାନର ପୋଷ୍ଟର ଲଗାଇ ଆସନ୍ତା ୨୦ ତାରିଖରେ ଓଡ଼ିଶା ସହ ଛତିଶଗଡ଼ର ଗରିଆବନ୍ଧ, ଧମତରି,କୋଡାଗାଁ ଓ ମହାସମୁନ୍ଦ ଜିଲ୍ଲା ବନ୍ଦ ପାଇଁ ଅନୁରୋଧ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ନୂଆପଡ଼ା ଜିଲ୍ଲା ବୋଡେନ ଥାନା ଧୋବଘାଟ, ଖଡୁପାନି, ଭଇଁଷାଦାନି ଗାଁରେ ନିର୍ମାଣାଧୀନ ନୂତନ ଓ ପୁରୁଣା ପୁଲିସ କ୍ୟାମ୍ପକୁ ହଟାଇବାକୁ ଅନୁରୋଧ କରିଛନ୍ତି। ପୁଣି ଏ ଅଞ୍ଚଳରେ ନିର୍ମାଣାଧୀନ ପୋଲ, ମୋବାଇଲ ଟାୱାର, ପର୍ଯ୍ୟଟନ ସ୍ଥଳ, ପୁଲିସ କ୍ୟାମ୍ପକୁ ବନ୍ଦ କରିବାକୁ କହିଛନ୍ତି। ସାଧାରଣ ଲୋକଙ୍କ ମୌଳିକ ସୁବିଧା ପାଇଁ ସ୍କୁଲ କଲେଜ, ଜଳସେଚନ ପାଇଁ ଦାବି କରିଛନ୍ତି। ଏ ସଂପର୍କରେ ନୂଆପଡ଼ା ପୁଲିସର ମତାମତ ମିଳି ପାରିନାହିଁ ।