ନୂଆପଡ଼ା : ଖରିଫ ୨୦୨୦-୨୧ ବର୍ଷ ଧାନ ସଂଗ୍ରହ ପାଇଁ ବୁଧବାର ଦିନ ନୂଆପଡ଼ା ଜିଲ୍ଲା ଆରଏମସି ଠାରେ ଜିଲ୍ଲା ଯୋଗାଣ ବିଭାଗ ଅଦିକାରୀ କୃଷ୍ଣ ଚନ୍ଦ୍ର ସେଠୀ ଉପସ୍ଥିତ ରହି ମଣ୍ଡିକୁ ଉଦଘାଟନ କରିଛନ୍ତି । ପରେ ନୂଆପଡ଼ା ଜିଲ୍ଲାପାଳ ସ୍ବଧାଦେବ ସିିଂ ଆରଏମସିକୁ ପହଞ୍ଚି ଚାଷୀଙ୍କ ଠାରୁ କିପରି ଧାନ ସଂଗ୍ରହ କରାଯାଉଛି ତାହା ଉପରେ ତଦାରଖ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ଦିନରେ ୧୭ ଜଣ ଚାଷୀଙ୍କୁ ଟୋକନ୍ ଦିଆଯାଇଥିବା ବେଳେ ସେହି ଚାଷୀ ମାନଙ୍କ ଠାରୁ ଆଜି ଯୋଗଣ ବିଭାଗ ଧାନ କ୍ରୟ କରିବ ବୋଲି ଯୋଗାଣ ବିଭାଗ ଠାରୁ ପ୍ରକାଶ । ସେପରି ଚଳିତ ବର୍ଷ ୨୦୨୦-୨୧ ଖରିଫ ଫସଲ ପାଇଁ ଜିଲ୍ଲାକୁ ୮ଲକ୍ଷ ୭୩ ହଜାର ୫୨୯.୪୧ କ୍ବିଣ୍ଟାଲ ଧାନ ଚାଷୀଙ୍କ ଠାରୁ ସଂଗ୍ରହ କରାଯିବାକୁ ଲକ୍ଷ୍ୟ ରଖା ଯାଇଛି । ୨୬ଟି ପେକ୍ସ ଓ ୨୨ ଟି ଏସଏଚଜି ଗ୍ରୁପ ଥିବା ବେଳେ ୭୮ଟି ମଣ୍ତି ରେ ଧାନ କ୍ରୟ କରାଯିବ। ଚଳିତ ବର୍ଷ ପେକ୍ସରେ୨୮ ହଜାର୨୦୯ ଜଣ ଚାଷୀ ପଞ୍ଜୀକୃତ କରିଥିବା ବେଳେ ୨୧ ଟି ଏସଏଚଜି ଗ୍ରୁପ ମାନଙ୍କରେ ୫୫୩୨ ଜଣ ଚାଷୀ ପଞ୍ଜୀକୃତ କରିଛନ୍ତି ।
ଜିଲ୍ଲାରେ ଚଳିତ ବର୍ଷ ମୋଟ ୩୩ ହଜାର ୭୪୧ ଜଣ ଚାଷୀ ନାମପଞ୍ଜୀକରଣ କରିଛନ୍ତି । ଜିଲ୍ଲାରେ ଅସାଧୁ ବ୍ୟବସାୟୀ ପଡ଼ୋଶୀ ଛତିଶଗଡ଼ ରାଜ୍ୟରୁ ଧାନ ଆଣି ଜିଲ୍ଲାରେ ଧାନ ସଂଗ୍ରହ କେନ୍ଦ୍ରରେ ଯେପରି ବିକ୍ରି ନ କରନ୍ତି ସେଥିପାଇଁ ନୂଆପଡ଼ା ଜିଲ୍ଲା ପ୍ରଶାସନ ପକ୍ଷରୁ ୩ଟି ସ୍କ୍ବାଡ଼୍ ଗଠନ କରାଯାଇଛି । ଏହି ୩ଟି ସ୍କ୍ବାଡ଼୍ ଜିଲ୍ଲାରେ ଆସୁଥିବା ଛତିଶଗଡ଼ ଧାନ ଜଗିବାକୁ ନିର୍ଦେଶ ଦେଇଛନ୍ତି । ଆଜି ମଣ୍ଡି ଉଦଘାଟନ ସୟରେ ନୂଆପଡ଼ା ଯୋଗାଣ ଅଧିକାରୀ କୃଷ୍ଣ ଚନ୍ଦ୍ର ସେଠୀ, ଆର.ଏମ.ସି ସଂପାଦକ ବିହାରିଲାଲ ଦାସ, ଏ.ଆର.ସି.ଏସ ଭିକାରୀ ସେଠ୍ ସହ ଆର.ଏମସି କର୍ମଚାରୀ ମାନେ ଉପସ୍ଥିତ ରହିଥିଲେ ।