ଦୁର୍ନୀତିମୁକ୍ତ ଓ ନିରପେକ୍ଷ ଜନସେବା ପାଇଁ ଶପଥ ନେଲେ ସରକାରୀ ଅଧିକାରୀ ଓ କର୍ମଚାରୀ
ଖୋର୍ଦ୍ଧା: ଆଜି ଠାରୁ ରାଜ୍ୟରେ ଦୁର୍ନୀତି ନିବାରଣ ସଚେତନତା ସପ୍ତାହ ଆରମ୍ଭ ହୋଇଛି। ଏହା ନଭେମ୍ବର ୧ ତାରିଖ ଯାଏଁ ଚାଲିବ। ଉକ୍ତ ଅବସରରେ ଆଜି ଖୋର୍ଦ୍ଧାର ବିଭିନ୍ନ ସରକାରୀ କାର୍ଯ୍ୟାଳୟରେ ଦୁର୍ନୀତିମୁକ୍ତ ଓ ନିରପେକ୍ଷ ଜନସେବା ପାଇଁ ସରକାରୀ ଅଧିକାରୀ ଓ କର୍ମଚାରୀ ମାନେ ଶପଥ ନେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଜି ପୂର୍ବାହ୍ନରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଅତିରିକ୍ତ ଜିଲ୍ଲାପାଳ (ରାଜସ୍ୱ) ଅନୁଜ ଦାସପଟ୍ଟନାୟକଙ୍କ ସଂଯୋଜନାରେ ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀ ମାନେ ସ୍ୱଚ୍ଛ, ଦୁର୍ନୀତିମୁକ୍ତ ଓ ଦାୟିତ୍ୱବୋଧର ଶପଥ ନେଇଥିବା ବେଳେ ଖୋର୍ଦ୍ଧା ଉପଜିଲ୍ଲାପାଳ କାର୍ଯ୍ୟାଳୟ ଓ ଖୋର୍ଦ୍ଧା ପୌର ପରିଷଦର କାର୍ଯ୍ୟାଳୟରେ ଉପଜିଲ୍ଲାପାଳ ତଥା ପୌର ପରିଷଦ ନିର୍ବାହୀ ଅଧିକାରୀ ଆଇ ଗୌରବ ଶିବାଜୀଙ୍କ ନେତୃତ୍ୱରେ କର୍ମଚାରୀ ମାନେ ଶପଥ ନେଇଥିଲେ।