ଟ୍ରେନ୍ ଆଗକୁ ଡେଇଁ ବୃଦ୍ଧଙ୍କ ଆତ୍ମହତ୍ୟା

ବଲାଙ୍ଗୀର: ବଲାଙ୍ଗୀର ସୁଦପଡ଼ାଠାରେ ଜଣେ ବୃଦ୍ଧ ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତବ୍ୟକ୍ତି ଜଣକ କଂସାରିପଡ଼ାର ତପନ ରାଉତ (୭୯ ବର୍ଷ) ବୋଲି ଜଣାପଡ଼ିଛି। ତପନଙ୍କ ସ୍ତ୍ରୀ’ଙ୍କର ଗତ ୨ମାସ ତଳେ ପରଲୋକ ହୋଇଥିଲା। ସ୍ତ୍ରୀ’ଙ୍କ ମୃତ୍ୟୁ ପରେ ସେ ଭାଙ୍ଗିପଡ଼ିଥିଲେ।

ମଙ୍ଗଳବାର ବିଳମ୍ବିତ ରାତି ପ୍ରାୟ ୨ଟା ସମୟରେ ସୁଦପଡ଼ା ରେଳ ଫାଟକ ନିକଟରେ ଟ୍ରେନ୍ ଆଗକୁ ଡେଇଁ ତପନ ଆତ୍ମହତ୍ୟା କରିଥିଲେ। ଖବର ପାଇ ପରିବାର ଲୋକେ ଘଟଣାସ୍ଥଳରେ ପହଞ୍ଚିଥିଲେ। ଜିଆର୍‌ପି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଚଳାଇଛି।