ନାବାଳିକାଙ୍କୁ ଦୁଷ୍କର୍ମ ଅଭିଯୋଗ, ଯୁବକ ଗିରଫ

ପାଟପୁର: ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍ ଓ ପାଟପୁର ଥାନା ଇଲାକାରେ ଆଜି ଜଣେ ନାବାଳିକା (୭)କୁ ଦୁଷ୍କର୍ମ ଅଭିଯୋଗ ହୋଇଛି। ଏନେଇ ଥାନାରେ କେସ୍ ନମ୍ବର ୫୮ରେ ଏକ ମାମଲା ରୁଜୁ ସହ ଅଭିଯୁକ୍ତ ଜଗା ଚୌଧୁରୀ (୩୬)କୁ ଗିରଫ କରି କୋର୍ଟ ଚାଲାଣ କରାଯାଇଛି।

ସୂଚନାଯୋଗ୍ୟ,  ଆଜି ସକାଳେ ନାବାଳିକାଜଣକ ଦାଣ୍ଡରେ ବୁଲୁଥିବା ବେଳେ ଜଗା ତାକୁ ଚକୋଲେଟ୍ ଦେବା ବାହାନାରେ ଘରକୁ ନେଇ ଦୁଷ୍କର୍ମ କରିଥିଲା। ତେବେ ଏହି ଘଟଣା ସମ୍ପର୍କରେ ସେ ଯଦି କାହାକୁ କୁହେ ତେବେ ତାକୁ ଜୀବନରୁ ମାରିଦେବାକୁ ଧମକ ଦେଇଥିଲା।

ନାବାଳିକା ଦୁଷ୍କର୍ମକାରୀ ଧମକକୁ ଖାତିର ନକରି ପରିବାରବର୍ଗଙ୍କୁ ଘଟଣା ବିଷୟରେ ଜଣାଇ ଦେଇଥିଲେ। ଏହା ଜାଣି ପାଟପୁର ଥାନାରେ ପୀଡ଼ିତା ପରିବାରଲୋକ ଏତଲା ଦେଇଥିଲେ। ଏହି ଏତଲାକୁ କେନ୍ଦ୍ର କରି ପୁଲିସ ଜଗାକୁ ପଚରାଉଚରା କରିବା ସହ ମାମଲା ରୁଜୁ କରିବା ପରେ ତାକୁ କୋର୍ଟ ଚାଲାଣ କରିଥିବା ସୂଚନା ମିଳିଛି।