ଖୋର୍ଦ୍ଧା: ଆଜି ଖୋର୍ଦ୍ଧା ଟାଉନ୍ ଥାନା ପୁଲିସ ଶିଳ୍ପାଂଚଳରୁ ବିପୁଳ ପରିମାଣରେ ଦେଶୀ ମଦ ଓ ଆସ୍କା-୪୦ ଜବତ କରିଛି । ଏହି ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାନୁସାରେ, ଆଜି ସକାଳ ପ୍ରାୟ ସାଢ଼େ ୬ଟା ବେଳେ ଏସ୍ଆଇ ଦିଗ୍ବିଜୟ ବିଶ୍ୱାଳଙ୍କୁ କୌଣସି ସୂତ୍ରରୁ ମଦ ଚାଲଣ ହେଉଥିବା ସୂଚନା ମିଳିଥିଲା । ସୂଚନା ମିଳିବା ପରେ ଏସ୍ପି ରାଜ କିଶୋର ଦୋରାଙ୍କ ନିର୍ଦ୍ଦେଶରେ ଏସ୍ଡିପିଓ ସୁଶୀଲ କୁମାର ମିଶ୍ରଙ୍କ ତତ୍ୱାବଧାନରେ ଥାନା ଅଧିକାରୀ ସଂଜୟ କୁମାର ପଟ୍ଟନାୟକ ଏସ୍ଆଇ ଶ୍ରୀ ବିଶ୍ୱାଳ, ରଶ୍ମୀ ରଂଜନ ଦାଶଙ୍କୁ ନେଇ ଏକ ଟିମ୍ ଗଠନ କରିଥିଲେ । ଜମାଦେଈର ପର୍ଶୁରାମ ପାତ୍ରଙ୍କ ଘର ନିକଟରେ ଛାପା ମାରିଥିଲେ । ତାଙ୍କ ଘରୁ ୨୦୦ ମିଲି ବୋତଲର ୧୭୫୦ଟି ଆସ୍କା-୪୦ ଓ ଅନ୍ୟ ଦେଶୀମଦ ଜବତ କରିଥିଲେ । ମୋଟ ଜବତ ହୋଇଥିବା ୩୫୦ ଲିଟର ମଦର ଆନୁମାନିକ ବଜାର ମୂଲ୍ୟ ୧ଲକ୍ଷ ୫୦ ହଜାର ଟଙ୍କା ହେବ ।
ଏହି ଘଟଣାରେ ୨୭୨/୨୦୨୧ରେ ଏକ ମାମଲା ରୁଜୁ କରାଯିବା ସହ ଅଭିଯୁକ୍ତ ପର୍ଶୁରାମଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଏହି ମାମଲାର ତଦନ୍ତ ଏଏସ୍ଆଇ ଶରତଚନ୍ଦ୍ର ପ୍ରଧାନ କରୁଥିବା ବେଳେ ଚଢ଼ଉରେ କନ୍ଷ୍ଟେବଳ ନିଲୁ ମଲ୍ଲିକ, ପି କେ ହରିଚନ୍ଦନ, ଏନ୍ ପ୍ରଧାନ, ଓଏପିଏଫ୍ ରମେଶ ପ୍ରଧାନ ପ୍ରମୁଖ ଯୋଗ ଦେଇଥିଲେ ।