ନାବାଳିକାକୁ ଦୁଷ୍କର୍ମ ଅଭିଯୋଗ, ଯୁବକ ଗିରଫ
ବୌଦ୍ଧ/ଖୁଣ୍ଟିଗୋରା: ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡା ଫାଣ୍ତି ଅଧିନରେ ଜଣେ ୧୩ ବର୍ଷିଆ ନାବାଳିକାକୁ ଦୁଷ୍କର୍ମ ଅଭିଯୋଗ ହୋଇଛି। ପୁଲିସ ଅଭିଯୁକ୍ତ ଯୁବକକୁ ଗିରଫ କରିଛି । ପୁଲିସର ସୂଚନା ଅନୁସାରେ କଣ୍ଟାମାଲ ଥାନା ଅଂଚଳ ଜୈନିକ ପରିବାର ନିଜର ଘର ନିର୍ମାଣ ପାଇଁ ଇଟା ଗଢୁଛନ୍ତି । ତାଙ୍କର ୧୩ବର୍ଷ ବୟସର ନାବାଳିକା ଝିଅ (ଛଦ୍ମ ନାମ) ପ୍ରତିଦିନ ସେମାନଙ୍କୁ ଭାତ ନେଇ ଦିଅନ୍ତି ଓ ଘରକୁ ଫେରନ୍ତି । ଆମ୍ବଗାଁ ଗ୍ରାମର ରିଙ୍କୁ ରଣା(୨୪) ଏସବୁ ନିରିକ୍ଷଣ କରୁଥିଲା । ନାବାଳିକା ନିରୋଳାରେ ଯାଆସ କରୁଥିବାରୁ ପୂର୍ବରୁ ନଜର ରଖିଥିଲା।
Sambad is now on WhatsApp
Join and get latest news updates delivered to you via WhatsApp
ଗତ ମଙ୍ଗଳବାର ଝିଅଟି ଭାତଦେଇ ଏକୁଟିଆ ଫେରୁଥିବା ସମୟରେ ନିଛାଟିଆ ସ୍ଥାନରେ ଦୁଷ୍କର୍ମ କରି ଯୁବକ ସେଠାରୁ ଚମ୍ପଟ ମାରିଥିଲା । ଘରକୁ ବାପା, ମାଆ ଫେରିବା ପରେ ପୀଡିତ ଝିଅଟି ଘଟଣା ବିଷୟରେ ସବୁକଥା ଖୋଲି କହିଥିଲା। ଝିଅଟି ବାପା ସାଥିରେ ଘଣ୍ଟାପଡା ଫାଣ୍ତିକୁ ଆସି ଦୁଷ୍କର୍ମକାରୀଙ୍କ ବିରୋଧରେ ଲିଖିତ ଅଭିଯୋଗ କରିଛନ୍ତି। ଏସଂକ୍ରାନ୍ତରେ କଣ୍ଟାମାଳ ଥାନାରେ କେସ ନଂ.୪୬/୨୦ ରୁଜୁ ହୋଇଛି। ଅଭିଯୁକ୍ତ ଯୁବକଙ୍କୁ ଗିରଫ କରି ପୁଲିସ ଅଧିକ ତଦନ୍ତ ଚଲାଇଛି । ଗୁରୁବାର ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ତଦନ୍ତକାରୀ ଏସ ଆଇ ଲିସାରାଣୀ ସେଠୀ ସୂଚନା ଦେଇଛନ୍ତି ।