ବନ୍ତଳା: ଅନୁଗୁଳ ଜିଲ୍ଲା ବନ୍ତଳା ଥାନା ସାରୁଆଳି ଗ୍ରାମରେ ଆଜି ଏକ ଅଭାବନୀୟ ଘଟଣା ଘଟିଛି। ପୋଖରୀରେ ବୁଡ଼ିଯାଇ ଜଣେ ୮ବର୍ଷ ବାଳକର ମୃତ୍ୟୁ ହୋଇଛି। ସୂଚନା ମୁତାବକ ଅନୁଗୁଳ ବ୍ଲକ ନନ୍ଦପୁର ପଞ୍ଚାୟତ ସାରୁଆଳି ଗ୍ରାମର ଦୁଷ୍ମନ୍ତ ମାଝୀଙ୍କ ପୁଅ ଦେବାଶିଷ ମାଝୀ(୮) ଆଜି ଗାଁ ପୋଖରୀକୁ ଗାଧୋଇବାକୁ ଯାଇ ପାଣିରେ ବୁଡି ଯାଇଥିଲେ। ସ୍ଥାନୀୟ ଲୋକେ ଦେବାଶିଷଙ୍କୁ ପୋଖରୀ ମଧ୍ୟରୁ ଉଦ୍ଧାର କରି ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ ମଧ୍ୟ ଡାକ୍ତର ସେଠାରେ ତାଙ୍କୁ ମୃତ୍ୟୁ ଘୋଷଣା କରିଥିଲେ। ବନ୍ତଳା ପୁଲିସ ଶବ ଜବତ କରି ତଦନ୍ତ କରୁଛି।