ଖୋର୍ଦ୍ଧା ଗ୍ରାମାଞ୍ଚଳରେ କରୋନାର ୨ୟ ଲହର: ଗୋଟିଏ ଦିନରେ ୧୪ ସଂକ୍ରମିତ
ଖୋର୍ଦ୍ଧା:ଖୋର୍ଦ୍ଧା ଗ୍ରାମାଞ୍ଚଳରେ କରୋନା ଭୂତାଣୁ ସଂକ୍ରମଣର ଦ୍ୱିତୀୟ ଲହର ଦ୍ରୁତଗତିରେ ବଢ଼ିବାରେ ଲାଗିଛି । ଆଜି ଗୋଟିଏ ଦିନରେ ସର୍ବାଧିକ ୧୪ଜଣ ବ୍ୟକ୍ତି ସଂକ୍ରମିତ ହୋଇଥିବା ବେଳେ ମୋଟ ସଂକ୍ରମିତଙ୍କ ସଂଖ୍ୟା ୬୩ରେ ପହଞ୍ଚିଛି ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ଆପାତ୍କାଳୀନ ବିଭାଗ ଠାରୁ ମିଳିଥିବା ସୂଚନାନୁସାରେ, ଆଜି ବାଲିଅନ୍ତାରୁ ୩, ବାଲିପାଟଣାରୁ ୨, ଭୁବନେଶ୍ୱର ବ୍ଲକ, ଖୋର୍ଦ୍ଧା, ବେଗୁନିଆ, ଟାଙ୍ଗୀ, ଚିଲିକା-ବାଲୁଗାଁରୁ ଜଣେ ଲେଖାଏଁ ସଂକ୍ରମିତ ହୋଇଥିବା ବେଳେ ବାହାର ଜିଲ୍ଲାରୁ ଆସିଥିବା ଜଣେ ସଂକ୍ରମିତଙ୍କୁ ଚିହ୍ନଟ କରାଯାଇ ସ୍ୱଗୃହ ଏକାନ୍ତବାସରେ ରଖାଯାଇଛି । ବର୍ତମାନ ଖୋର୍ଦ୍ଧା ଗ୍ରାମାଞ୍ଚଳରେ ୬୩ଜଣ ସକ୍ରିୟ ରୋଗୀ ରହିଥିବା ବେଳେ ବାଲିପାଟଣାରେ ସର୍ବାଧିକ ୧୭ଜଣ ସକ୍ରିୟ ରୋଗୀ ଓ ବାଣପୁରରେ ସର୍ବନିମ୍ନ ଜଣେ ସକ୍ରିୟ ରୋଗୀ ରହିଛନ୍ତି । ଆଜି ୬୦୯ଟି ରାପିଡ୍ ଆଂଟିଜେନ୍ ଓ ୩୨୪ଟି ଆର୍ଟିପିସିଆର୍ ପରୀକ୍ଷଣ ଅର୍ଥାତ୍ ମୋଟ ୯୩୩ ପରୀକ୍ଷଣରୁ ୧୪ଜଣଙ୍କ ପଜିଟିଭି ଚିହ୍ନଟ ହୋଇଛି । ପରୀକ୍ଷଣର ସଂଖ୍ୟା ସହ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ଜଣାଯାଇଛି ।
ସେହିଭଳି ଟିକାଦାନ କାର୍ଯ୍ୟକ୍ରମ ସମ୍ପର୍କରେ ସୂଚନା ଦେଇ ଜିଲ୍ଲା ମୁଖ୍ୟ ସ୍ୱାସ୍ଥ୍ୟାଧିକାରୀ ଡା ବିଶ୍ୱରଂଜନ ପତି କହିଛନ୍ତି ଯେ ଆଜି ୪୬୨୭ଜଣଙ୍କୁ ଟିକା ଦେବା କାର୍ଯ୍ୟକ୍ରମ ରହିଥିଲା । ତେବେ ଦିନ ଶେଷ ସୁଦ୍ଧା ୧୮୫୧ଜଣଙ୍କୁ ଟିକା ଦିଆଯାଇପାରିଛି । ସଂକ୍ରାନ୍ତି ଓ ହନୁମାନ ଜୟନ୍ତି ହେତୁ ଟିକାଦାନ ଧିମେଇ ଥିବା ସେ ଅନୁମାନ କରିଛନ୍ତି ।