ହରିଚନ୍ଦନପୁର: କେନ୍ଦୁଝର ଜିଲ୍ଲା ହରିଚନ୍ଦନପୁର-ବ୍ରାହ୍ମଣୀପାଳ ରାସ୍ତାର କୁସୁମଯୋଡ଼ି ଗ୍ରାମ ନିକଟରେ ଆଜି ସନ୍ଧ୍ୟାରେ ଏକ ଅଟୋ (ଓଡି-୦୯-ୱାଇ-୨୫୭୦) ଭାରସାମ୍ୟ ହରାଇ ଓଲଟି ପଡ଼ିବାରୁ ଶଗଡ଼ପଟା ପଞ୍ଚାୟତ ଖଡ଼ିବାହାଳି ଗ୍ରାମର ଅନନ୍ତ ହାଁସଦାଙ୍କ ପତ୍ନୀ କୁନି ହାଁସଦା (୫୫)ଙ୍କ ମୃତ୍ୟୁ ଘଟିଛି। ଟାଙ୍ଗିରିଆପାଳ ଗ୍ରାମର ଦୁଇଭାଇ କେଲା ମୁର୍ମୁ (୧୭) ଓ ଦୁର୍ଗା ମୁର୍ମୁ (୧୩) ଆହତ ହୋଇଛନ୍ତି। ଅଟୋଟି ଭଗାମୁଣ୍ଡା ସାପ୍ତାହିକ ହାଟରୁ ଯାତ୍ରୀଙ୍କୁ ନେଇ ଟାଙ୍ଗିରିଆପାଳ ଯାଉଥିଲା। କୁସୁମଯୋଡ଼ି ନିକଟରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଆହତଙ୍କୁ ଭଗାମୁଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁର୍ଘଟଣା ପରେ ଅଟୋକ ଚାଳକ ଫେରାର ହୋଇଯାଇଛି। ପୁଲିସ ଦୁର୍ଘଟଣାଗ୍ରସ୍ତ ଅଟୋକୁ ଜବତ କରିଛି।