ଦୁଇ ବାଇକ ମୁଁହାମୁଁହି ଧକ୍କା; ଜଣେ ମୃତ, ତିନି ଆହତ

ଘୁ ଉଦୟଗିରି: କନ୍ଧମାଳ ଜିଲ୍ଲା ଘୁମୁସର ଉଦୟଗିରି ବ୍ଲକ ଅନ୍ତର୍ଗତ ଲିଙ୍ଗାଗଡ଼ ପଞ୍ଚାୟତର ନିଲୁଙ୍ଗିଆ ଠାରେ ଦୁଇଟି ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଜଣେ ଯୁବକଙ୍କ ମୃତ୍ୟୁ ହୋଇଛି। ଏହି ଦୁର୍ଘଟଣାରେ ୩ଜଣ ଆହତ ହୋଇଛନ୍ତି।

ପ୍ରାପ୍ତ ସୂଚନା ଅନୁସାରେ କ.ନୂଆଗାଁ ବ୍ଲକ ଅନ୍ତର୍ଗତ ବିରନ୍ଦାପଡ଼ା ଗ୍ରାମର ଚିତ୍ତରଞ୍ଜନ ପ୍ରଧାନ( ୩୧) ଏବଂ ଘୁ ଉଦୟଗିରି ବ୍ଲକ ଅନ୍ତର୍ଗତ କତିଙ୍ଗିଆ ପଞ୍ଚାୟତର ବୈକୁଣ୍ଠ ପ୍ରଧାନ( ୩୨) କତିଙ୍ଗିଆ ଠାରୁ ଏକ ବାଇକ୍‌ (ଓଡ଼ି ୦୨ ବି ଏମ୍ ୭୭୩୭)ରେ ଘୁ ଉଦୟଗିରି ଅଭିମୁଖେ ଆସୁଥିବା ବେଳେ ରାଇକିଆ ଆଡ଼କୁ ଓଡ଼ି ୧୨ ୦୫୨୩ ନମ୍ୱର୍ ବିଶିଷ୍ଟ ବାଇକ୍‌ରେ ରାଜୀବ ପ୍ରଧାନ (୨୮) ଓ ଜ୍ଞାନ ଚନ୍ଦ୍ର ପ୍ରଧାନ (୪୮) ଯାଉଥିଲେ। ସେହି ସମୟରେ ନିଲୁଙ୍ଗିଆ ବୁଲାଣିରେ ଦୁଇଟି ବାଇକ୍ ମଧ୍ୟରେ ମୁହା ମୁଁହି ଧକ୍କା ହୋଇଥିଲା। ଏହି ଗାଡ଼ିରେ ଲାଇଟ୍ ନ ଥିବା ବେଳେ ମୋବାଇଲ ଟର୍ଚ୍ଚ ଦ୍ବାରା ଯାଉଥିଲେ ସେହି ସମୟରେ ନିଲୁଙ୍ଗିଆ ବିଲାଣିରେ ଦୁର୍ଘଟଣା ହୋଇଥିଲା।

ସ୍ଥାନୀୟ ଲୋକେ ତୁରନ୍ତ ୧୦୮ ଆମ୍ବୁଲାନ୍ସ ଏବଂ ୧୧୨ ପିସିଆର ଗାଡିକୁ ଯୋଗାଯୋଗ କରିଥିଲେ କିଛସମୟ ପରେ ଘଟଣାସ୍ଥଳକୁ ଆମ୍ବୁଲାନ୍ସ ପହଞ୍ଚି ଆହତଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀସ୍ଵାସ୍ଥ୍ୟ କେନ୍ଦ୍ରକୁ ଆଣିଥିଲେ। ସେମାନଙ୍କୁ କାର୍ଯ୍ୟରତ ଡାକ୍ତର ଅଶୋକ କୁମାର ପ୍ରଧାନ ପ୍ରାଥମିକ ଚିକିତ୍ସା ପରେ ଜଣକୁ ଅର୍ଥାତ୍ ବୈକୁଣ୍ଠ ପ୍ରଧାନଙ୍କୁ ମୃତ ଘୋଷଣା କରିଥିଲେ ଓ ଅନ୍ୟ ୩ ଜଣଙ୍କୁ ପ୍ରାଥମିକ ଚିକିତ୍ସା କରାଯାଇଥିବା ସୂଚନା ଥିବା ବେଳେ ସ୍ଥାନୀୟ ପୁଲିସ ଘଟଣାସ୍ଥଳକୁ ପହଞ୍ଚି ଦୁଇଟି ବାଇକ୍ ଜବତ କରି ସ୍ବାସ୍ଥ୍ୟ କେନ୍ଦ୍ର ପହଞ୍ଚି ଅଧିକ ତଦନ୍ତ କରୁଥିବା ସୂଚନା ରହିଛି।