ଦେଓଗାଁ,: ବରଗଡ଼-ବୋରିଗୁମା ଜାତୀୟ ରାଜପଥ ନଂ୨୬ ବଲାଙ୍ଗୀର ଦେଓଗାଁ ରାସ୍ତାର ଘୁଚିପାଲି ଛକ ନିକଟରେ ଗୁରୁବାର ଅପରାହ୍ନ ୫ଟାରେ ଏକ ଗାଡ଼ି ଦୁର୍ଘଟଣାଗ୍ରସ୍ତ ହେବାରୁ ଘଟଣାସ୍ଥଳରେ ଜଣେ ମୃତ ହୋଇଥିବା ବେଳେ ଜଣେ ଗୁରୁତର ଆହତ ହୋଇ ଚିକିତ୍ସିତ ହେଉଥିବା ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ବଲାଙ୍ଗୀର ପଟରୁ ଦ୍ରୁତ ଗତିରେ ଆସୁଥିବା ଏକ ମାରୁତି ସୁଇଫ୍ଟ କାର ଏକ ତେନ୍ତୁଳି ଗଛରେ ପିଟିହେବାରୁ ଗାଡ଼ିଟି ଚୁରମାର ହୋଇଯାଇଛି । ଗାଡ଼ିରେ ଥିବା ଲୋକଙ୍କୁ ପୁଲିସ ଉଦ୍ଧାର କରି ବଲାଙ୍ଗୀର ଭୀମ ଭୋଇ ମେଡ଼ିକାଲ କଲେଜ ହସ୍ପିଟାଲରେ ଭର୍ତ୍ତି କରିଛି । ଏହି ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବାର ଖବର ଜଣାପଡିଛି । ମୃତ୍ୟୁବରଣ କରିଥିବା ଲୋକଙ୍କର ପରିଚୟ ଜଣାପଡି ନାହିଁ ବୋଲି ପୁଲିସ କହୁଥିବା ବେଳେ ସ୍ଥାନୀୟ ଲୋକେ ସଇଁତଲା ଥାନା ର ଲାଚୁଟ ଗାଁର ବୋଲି କହୁଛନ୍ତି।