ହେମଗିର: ମଙ୍ଗଳବାର ସଂଧ୍ୟାରେ ବାଙ୍କିବାହାଲ ଟପରିଆ ମୁଖ୍ୟ ରାସ୍ତାର ରତନସରା ଠାରେ ଏକ ଛିଡ଼ା ହୋଇଥିବା ଟ୍ରେଲରର ପଛରେ ପିଟି ​ହୋଇ ଜଣେ ବାଇକ୍‌ ଚାଳକଙ୍କ ଦୁଃଖଦ ମୃତ୍ୟୁ ​ହୋଇଛି। ମୃତକ ଜଣକ ହେଲେ ନାକଟିଦେଉଳର ନିତ୍ୟାନନ୍ଦ ମାଝୀ। ସଂଧ୍ୟାରେ ନିତ୍ୟାନନ୍ଦ ନିଜ ବାଇକ୍‌ ଯୋଗେ ବିଲେଇମୁଣ୍ଡାରୁ ନାକଟିଦେଉଳ ଘରକୁ ଫେରିବା ସମୟରେ ରତନସରା ଠାରେ ରାସ୍ତା ଉପରେ ଛିଡ଼ା ହୋଇଥିବା ଏକ ଟ୍ରେଲରକୁ ପଛ ପଟେ ଧକ୍କା ଦେବାରୁ ଗୁରୁତର ଆହତ ହେଇଥିଲେ। ତାଙ୍କୁ ତୁରନ୍ତ ଗୁରୁତର ଅବସ୍ଥାରେ ହେମଗିର ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇବା ସହ ମୃତକଙ୍କ ପରିବାରବର୍ଗଙ୍କୁ କ୍ଷତିପୂରଣ ଦାବିରେ ସ୍ଥାନୀୟ ଲୋକେ ରାସ୍ତାରୋକ କରିଥିଲେ।