ଉଲୁଣ୍ଡା: ଗ୍ୟାସ ଟାଙ୍କି ବିସ୍ଫୋରଣ ହେବାରୁ ଆଜି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ୨ ବଖରା ଘର ସଂପୂର୍ଣ୍ଣ ଜଳି ଯାଇଛି । ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ ସଂଗ୍ରାମପୁର ପଂଚାୟତର ସାନକିରାସିରା ଗାଁରେ ଏହି ଘଟଣା ଘଟିଛି । ମୃତକ ହେଲେ ପମି ପଧାନଙ୍କ ସାନ ପୁଅ ସିନୁ ପଧାନ ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଆଜି ଦିନ ବେଳା ବଡ଼ କିରାସିରl ଗ୍ରାମର ଗାଁ ମୁଣ୍ଡରେ ପମି ପଧାନଙ୍କ ଘରେ ନିଆଁ ଲାଗିଥିଲା । ପରିବାରରେ ପମି ପଧାନ, ବଡ଼ ଭାଇ ଗୋବର୍ଧନ ପଧାନ, ସିନୁ ପଧାନ ରହୁଥିଲେ l ସିନୁ ପଧାନଙ୍କ ଏକ ଦୋକାନ ରହିଛି l ଦୋକାନ ଘର ନିକଟରେ ରୋଷେଇ କରୁଥିବା ବେଳେ ଗ୍ୟାସ ଲିକ ହୋଇ ନିଆଁ ଲାଗିବାରୁ ବିସ୍ପୋରଣ ହୋଇଥିଲା । ସେଥିରେ ପୋଡି ହୋଇ ଦୋକାନୀ ସିନୁ ପଧାନଙ୍କ ମୃତ୍ୟୁ ହୋଇଥିଲା l
ଖବର ଅନୁସାରେ ଟାଙ୍କି ନିକଟରେ ଏକ ଜାରରେ ପେଟ୍ରୋଲ ଥିଲା l ଗ୍ୟାସ ଟାଙ୍କି ଫାଟି ଯିବା ପରେ ପେଟ୍ରୋଲ ଜାରରେ ନିଆଁ ଲାଗିବା ଯୋଗୁଁ ସିନୁ ପଧାନ ପୋଡ଼ିଯିବାରୁ ଘର ଭିତରେ ଘଟଣାସ୍ଥଳରେ ମୃତ୍ୟ ହୋଇଥିଲା । ଘର ନିକଟରେ ଥିବା ବଡ଼ ଭାଇ ଅଳ୍ପକେ ବର୍ତ୍ତିଯାଇଛନ୍ତି l ନିଆଁରେ ୨ ବଖରା ଘର ମଧ୍ୟ ପୋଡି ଛାର ଖାର ହୋଇ ଯାଇଛି ଓ ଘାଟଣାସ୍ଥଳରେ ତାଙ୍କ ମା ନ ଥିବାରୁ ବଞ୍ଚି ଯାଇଛନ୍ତି l ଖବର ପାଇ ସୁବଳୟା ଥାନାରୁ ପୁଲିସ ଏଏସଆଇ ପ୍ରସାଦି ପଧାନ ଘଟଣାସ୍ଥଳକୁ ପହଂଚି ମୃତଦେହ ଜବତ କରିବା ସହ ଏକ ଅପମୃତ୍ୟ ମାମଲା ରୁଜୁ କରି ଘଟଣା ତଦନ୍ତ ଜାରି ରଖିଛନ୍ତି ଓ ମୃତଦେହକୁ ବ୍ୟବଚ୍ଛେଦ ପାଇଁ ବୀରମହାରାଜପୁର ଡାକ୍ତରଖାନାକୁ ପୁଲିସ ନେଇଥିଲା। ବ୍ୟବଛେଦ ପରେ ପୁଲିସ ମୃତଦେହକୁ ପରିବାରକୁ ହସ୍ତାନ୍ତର କରିଛି l