ବସ୍‌-ବାଇକ୍‌ ଧକ୍କାରେ ଜଣେ ମୃତ, ଅନ୍ୟ ଜଣେ ଗୁରୁତର

ଭଞ୍ଜନଗର: ଭଞ୍ଜନଗର-ବେଲଗୁଣ୍ଠା ରାସ୍ତାର ନୂଆଗାଁ ସେତୁ ନିକଟରେ ଆଜି ଅପରାହ୍ନ ସମୟରେ ଏକ ବସ ସହ ବାଇକ ଧକ୍କା ହେବାରୁ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର ହୋଇଛନ୍ତି। ମୃତକ ଜଣଙ୍କ ଗାଙ୍ଗପୁର ଥାନା ବାଲିଭାଗ ଗ୍ରାମର ଦଣ୍ଡପାଣି ଗୌଡଙ୍କ ପୁଅ ପ୍ରଦିପ ଗ‌ୌଡ ବୋଲି ଜଣାପଡିଛି। ଏଥିସହ ବାଇକରେ ଥିବା ଶଶି ଭୂଷଣ ଗୌଡ ମଧ୍ୟ ଗୁରୁତର ଆହତ ହୋଇଛନ୍ତି। ପ୍ରଦିପ ଏବଂ ଶଶି ବେଲଗୁଣ୍ଠା ପଟୁ ଫେରୁଥିବା ବେଳେ ଭଞ୍ଜନଗରରୁ ବେଲଗୁଣ୍ଠା ଯାଉଥିବା ଏକ ଘରୋଇ ମିନିବସ ସହ ମୁହାଁମୁହିଁ ଧକ୍କା ହୋଇଥିଲା।

ଯାହା ଫଳରେ ଉଭୟେ ବାଇକରୁ ଛିଟିକି ପଡିଥିଲେ। ଅଗ୍ନିଶମ ବାହିନୀ ଓ ଆମ୍ବୁଲାନ୍ସ ସହାୟତାରେ ଉଭୟଙ୍କୁ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଥିବା ବେଳେସେଠା‌ରେ ଡାକ୍ତର ପ୍ରଦୀପକୁ ମୃତ ଘୋଷଣା କରିଥିଲେ। ଶିଶିଙ୍କ ଗୋଡ ଏବଂ ହାତ ଭାଙ୍ଗିଯିବା ସହ ପ୍ରବଳ ରକ୍ତସ୍ରାବ ହେଉଥିବାରୁ ପ୍ରାଥମିକ ଚିକିତ୍ସା ପରେ ତାକୁ ବ୍ରହ୍ମପୁର ମେଡିକାଲ ରେଫର କରାଯାଇଛି।