ହାଇୱା ଧକ୍କାରେ ଜଣେ ମୃତ

ହରଭଙ୍ଗା: ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ପୁରୁଣାକଟକସ୍ଥିତ ଭୈରବୀ ମନ୍ଦିର ନିକଟରେ ଏକ ହାଇୱା ଧକ୍କାରେ ଜଣଙ୍କ ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣଙ୍କ ହେଉଛନ୍ତି ହରଭଙ୍ଗା ଥାନା ଅନ୍ତର୍ଗତ ଛତରଙ୍ଗ ଗ୍ରାମର ସଂକୀର୍ତ୍ତନ କହଁର (୫୫)। ସୂଚନା ଅନୁଯାୟୀ, ଗୁରୁବାର ସକାଳେ ଚାରିଛକ ପଟୁ ଆସୁଥିବା ହାଇୱା (ଓଡି ୨୭ ସି ୭୫୧୭) ପୁରୁଣା କଟକ ଭୈରବୀ ମନ୍ଦିର ସାମ୍ନାରେ ଥିବା ପେଟ୍ରୋଲ୍ ପମ୍ପକୁ ଡିଜେଲ ପକାଇବା ପାଇଁ ଯାଉଥିଲା।

ଏହି ସମୟରେ ସଂକୀର୍ତ୍ତନଙ୍କୁ ଧକ୍କା ଦେଇ ଦୁର୍ଘଟଣାଗ୍ରସ୍ତ ହୋଇଥିଲା। ସଂକୀର୍ତ୍ତନ ତଳେ ପଡ଼ିଯିବାରୁ ତାଙ୍କ ଉପରେ ଚକ ଚଢ଼ି ଯାଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଖବର ପାଇ ପୁରୁଣାକଟକ ଥାନା ଆଇଆଇସି ରଣଞ୍ଜିତ ମୁନି, ସରପଞ୍ଚ ଅଶୋକ ସେଠୀ ଓ ଆର୍‌ଆଇ ଲକ୍ଷ୍ମୀପ୍ରିୟା ସାହୁ ଘଟଣାସ୍ଥଳରେ ପହଞ୍ଚିଥିଲେ। ମୃତକଙ୍କ ପରିବାରକୁ ରେଡ୍‌କ୍ରସ୍‌ ପାଣ୍ଠିରୁ ୧୦ ହଜାର ଟଙ୍କା ଆର୍ଥିକ ସହାୟତା ଦିଆଯାଇଥିଲା।