ଟିପ୍ପରକୁ ଧକ୍କା ଦେଲା ଟ୍ରାକ୍ଟର, ଜଣଙ୍କ ଜୀବନ ଗଲା

ବୋରିଗୁମ୍ମା: ବୋରିଗୁମ୍ମା ଥାନା ଅନ୍ତର୍ଗତ ଆଉଁଳି ପେଟ୍ରୋଲ ପମ୍ପ ନିକଟରେ ଠିଆ ହୋଇଥିବା ଏକ ଟିପ୍ପରକୁ ଗୋଟିଏ ଟ୍ରାକ୍ଟର ଧକ୍କା ଦେବା ଫଳରେ ଟ୍ରାକ୍ଟରରେ ବସିଥିବା ଜଣେ ବ୍ୟକ୍ତିଙ୍କ ମୃତୁ ହୋଇଥିବା ପୁଲିସ ସୂତ୍ରରୁ ପ୍ରକାଶ।ମୃତ ବ୍ୟକ୍ତିଙ୍କ ନାମ ପିତାମ୍ବର ଯାନୀ(୪୦ ବର୍ଷ) ଘର ବିଜାପୁର ପଞ୍ଚାୟତ ଅଧିନ ଜଡ଼ାପୁଟ ବୋଲି ଜଣାପଡିଛି।ପୁଲିସର ସୂଚନା ମୁତାବକ ଆଉଁଳି ପେଟ୍ରୋଲ ପମ୍ପ ନିକଟରେ ଏକ ଟିପ୍ପର ଠିଆ ହୋଇଥିଲା। ଏହି ସମୟରେ ଇନ୍ଦ୍ରାବତୀ ନଦୀରୁ ବାଲି ବୋଝେଇ ଟ୍ରାକ୍ଟର ବୋରିଗୁମ୍ମା ଅଭିମୁଖେ ଆସୁଥିବା ସମୟରେ ଭାରସାମ୍ୟ ହରାଇ ଠିଆ ହୋଇଥିବା ଟିପ୍ପରକୁ ଧକ୍କା ଦେଇଥିଲା।

ଫଳରେ ଟ୍ରାକ୍ଟରରେ ବସିଥିବା ପିତାମ୍ବର ଯାନୀ ଛିଟିକି ହୋଇ ଟ୍ରାକ୍ଟର ଚକା ତଳେ ପଡି ମୃତୁବରଣ କରିଥିବା ଜଣାଯାଇଛି। ଏନେଇ ଥାନାରେ ଏକ ଦୁର୍ଘଟଣା ଜନୀତ ମାମଲା ରୁଜୁ ହୋଇଛି ବୋଲି ତଦନ୍ତକାରୀ ଏଏସଆଇ ପଦ୍ମ ଚରଣ ନାୟକ ସୂଚନା ଦେଇଛନ୍ତି। ଆଜି ମୃତ ପିତାମ୍ବର ଯାନୀଙ୍କ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ସୂଚନା ମିଳିଛି।