ଟ୍ରାକ୍ଟର ଓଲଟି ଜଣେ ମୃତ

ପାଇକମାଳ: ବରଗଡ଼ ଜିଲ୍ଳା ପାଇକମାଳ ଥାନା ମାଣ୍ତୋସିଲ ମଣ୍ତି ନିକଟ ଚାଷ ଜମିରେ ଟ୍ରାକ୍ଟର ଓଲଟି ଜଣଙ୍କର ମୃତ୍ୟୁ ହୋଇଯାଇଛି। ସୋମବାର ଅପରାହ୍ନରେ ଧାରୋଲ ଗ୍ରାମର ଟ୍ରକ୍ଟର ମାଲିକ ତଥା ଡ୍ରାଇଭର ପୁର୍ଣ୍ଣଚନ୍ଦ୍ର ରଣା (୩୫) କ୍ଷେତରେ କାଦୁଅ କରୁଥିବା ବେଳେ ଟ୍ରାକ୍ଟରଟି ଓଲଟି ପଡିବାରୁ ସେ ତଳେ ଚାପି ହୋଇ ରହିଥିଲା। ଗ୍ରାମବାସୀ ଉଦ୍ଦାର କରି ଡାକ୍ତରଖାନାକୁ ନେବା ପାଇଁ ଆଣୁଥିବା ବେଳେ ବାଟରେ ତାଙ୍କର ମୃତ୍ୟୁ ହୋଇଯାଇଥିଲା।

ପାଇକମାଳ ପୁଲିସ ଘଟଣା ସ୍ଥଳେ ପହଞ୍ଚି ଏକ ଅପମୃତ୍ୟୁମାମଲା ରୁଜୁ କରି ଶବ ବ୍ୟବଛେଦ ପାଇଁ ପଦ୍ମପୁର ଉପଖଣ୍ତ ଚିକିତ୍ସାଳୟକୁ ପଠାଇବାର ବ୍ୟବସ୍ଥା କରିଛନ୍ତି।