ଖୋର୍ଦ୍ଧା: ଆଜି ୧୬ ନମ୍ବର ଜାତୀୟ ରାଜପଥର ତୋଟାପଡ଼ା-ଜରିପୁଟ ଛକ ନିକଟରେ ଏକ ସାମଗ୍ରୀ ବୋଝେଇ ହୋଇଥିବା ଟ୍ରକ୍ ଧକ୍କାରେ ଜଣେ କ୍ଷୁଦ୍ର ବ୍ୟବସାୟୀଙ୍କ ମୃତ୍ୟୁ ଘଟିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ସଦର ଥାନା ଅଧୀନ ଲହଙ୍ଗା ଗାଁର ନବ କିଶୋର ନାୟକ (୪୪) ଖୋର୍ଦ୍ଧାରୁ ସାମଗ୍ରୀ କିଣି ନିଜ ଆକ୍ଟିଭାରେ ଗାଁକୁ ଫେରୁଥିଲେ । ପ୍ରାୟ ସାଢ଼େ ୧୧ଟା-୧୨ଟା ସମୟରେ, ତୋଟାପଡ଼ା-ଜରିପୁଟ ନିର୍ମାଣାଧୀନ ଜାତୀୟରାଜପଥର ଅପରପାଶ୍ୱର୍କୁ ଯିବା ବେଳେ ବ୍ରହ୍ମପୁର ଅଭିମୁଖେ ଯାଉଥିବା ଏକ ଟ୍ରକ୍ (ଏପି ୦୭ ଟିୟୁ ୬୬୯୫) ତାଙ୍କୁ ଧକ୍କା ଦେଇଥିଲା । ଏଥିରେ ସେ ଆଗକୁ ଛିଟିକି ପଡ଼ିଥିଲେ ତାଙ୍କ ଅଂଟା ଓ ଗୋଡ଼ ଉପରେ ଟ୍ରକ୍ଟି ଚଢ଼ିଯାଇ ପ୍ରାୟ ୫-୬ ମିଟର ଆଗକୁ ଘୋଷାଡ଼ି ନେଇଥିଲା । ସ୍ଥାନୀୟ ଲୋକ ପୁଲିସକୁ ସୂଚନା ଦେବା ସହ ଆମ୍ବୁଲାନ୍ସରେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା । ଏହି ଘଟଣାରେ ପୁଲିସ ଉକ୍ତ ଟ୍ରକର ଚାଳକକୁ ଥାନାରେ ଅଟକ ରଖିବା ସହ ଅନୁସନ୍ଧାନ ଚଳାଇଥିବା ଜଣାଯାଇଛି ।