ରାୟଗଡ଼ା: ମାଓ ଦମନରେ ରାୟଗଡା ପୁଲିସକୁ ଶନିବାର ବଡ଼ ସଫଳତା ମିଳିଛି। କଲ୍ୟାଣସିଂହପୁର ଅଂଚଳରୁ ଜଣେ ମାଓବାଦୀକୁ ପୁଲିସ ଗିରଫ କରାଯାଇଥିବା ଏସ୍‌ପି ଶ୍ରବଣ ବିବେକ ସୂଚନା ଦେଇଛନ୍ତି। କଲ୍ୟାଣସିଂହପୁର ଥାନା ପାର୍ସାଲି ଗ୍ରାମପଂଚାୟତର ମାୟାବଳି ଗ୍ରାମର ସିକୁନୁ ସିକୋକା (୩୧)କୁ ପୁଲିସ ଗିରଫ କରିଛି। ସକୁନୁ ୨୦୧୭ ଫେବ୍ରୁଆରି ୧୦ରେ ଟ୍ରାକ୍ଟର ପୋଡ଼ି ଘଟଣାରେ ସଂପୃକ୍ତ ଥିଲା। ଘଟଣା ଦିନ କଣ୍ଟ୍ରାକ୍ଟର ଦୀନବନ୍ଧୁ ଚୌଧୁରୀ ନିର୍ମାଣାଧିନ କାମରେ ବ୍ୟସ୍ତ ଥିବା ବେଳେ ୧୦ରୁ ୧୫ ଜଣ ମାଓବାଦୀ ପହଂଚିଥିଲେ। ସେମାନେ ଟ୍ରକ୍ଟରରେ ନିଆଁ ଲଗାଇ ମାଓବାଦୀ ପୋଷ୍ଟର ଛାଡ଼ି ଘଟଣାସ୍ଥଳରୁ ଫେରାର ହୋଇଯାଇଥିଲେ।