ଧାନ କଟା ଜାରି: ୨୧ହଜାର ୮୦୪ ସନ୍ଦେହଜନକ ପ୍ଲଟର ୬ରୁ ସାଟେଲାଇଟ୍‌ ସର୍ଭେ

ଜୟପୁର: ନା ରାଜ୍ୟ ସରକାର  ମଣ୍ଡିରେ ଧାନ କିଣା ପାଇଁ ନିୟମରେ କଡ଼ାକଡ଼ି କରିଛନ୍ତି। ଖରିଫ ମଣ୍ଡିରେ ଧାନ ବିକ୍ରି ପାଇଁ ପଂଜୀକରଣ କରିଥିବା ଚାଷୀଙ୍କର ପ୍ରକୃତରେ କେତେ ଜମିରେ ଚା‌ଷ ହୋଇଛି, କେତେ ପ୍ଲଟ ଚାଷ ନ ହୋଇ ପଡ଼ିଆ ପଡ଼ିଛି ସବୁକୁ ଉପଗ୍ରହ(ସାଟେଲାଇଟ୍) ମାଧ୍ୟମରେ ପ୍ଲଟ୍ ୱାରୀ  ଯାଂଚ କରାଯିବା ଯୋଜନା ରହିଛି। ହେବ। ତେବେ ଖାଲି ପଡ଼ିଥିବା ପ୍ଲଟର ଫ‌ଟୋ ଚିତ୍ର ସହ ଏବଂ ସଂଦେହଜନକ ପ୍ଲଟର ଚିତ୍ର ସବୁ ଡିଆରସିଏସଙ୍କ କାର୍ଯ୍ୟାଳୟରେ ଆଜି ଅପରାହ୍ନରେ ପହଚିଂଛି। ୨୧ହଜାର ୮୦୪ଟି ସଂଦେହାସ୍ପଦ ପ୍ଲଟର ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି। । ଏହା ପରେ ପୁଣି ଡିଇଓ, ଲ୍ୟାମ୍ପର କର୍ମଚାରୀ, କୃଷି କର୍ମଚାରୀ, ରାଜସ୍ବ କର୍ମଚାରୀ ଆଦିଙ୍କୁ ନେଇ ଆସନ୍ତା ସୋମବାରରୁ  ଯୁଗ୍ମ କମିଟି କ୍ଷେତ୍ରକୁ ଯାଇ ଯାଂଚ କରିବେ ବୋଲି ଡିଆରସିଏସ୍ କାର୍ଯ୍ୟାଳୟରୁ ସୂଚନା ମିଳିଛି। ଅପରପକ୍ଷ‌ରେ ସଂପ୍ରତି ଧାନ କାଟିବା ପ୍ରକ୍ରିୟା ଜୟପୁର ଉପଖଣ୍ଡରେ ଆରମ୍ଭ ହୋଇଛି। ସାଟେଲାଇଟ୍ ସର୍ଭେ ଆରମ୍ଭ ହୋଇନଥିବାରୁ ଧାନ କଟାଯାଇଥିବା ପ୍ଲଟ ଗୁଡିକ ଖାଲି ଫଟୋଚିତ୍ର  ଆସିଯିବକି ବୋଲି ଚାଷୀମାନେ ଚିନ୍ତାରେ ପଡ଼ିଥିଲେ। ତାହା ସୋମବାର ପର ଠାରୁ ଦୂର ହେବ।

କୋରାପୁଟ ଜିଲ୍ଲାରେ ୯୯ହଜାର ହେକ୍ଟର ଜମିରେ ଖରିଫ ଧାନ ଚାଷ କରାଯାଉଛି।  ଖରିଫ ମଣ୍ଡିରେ ୨୦ଟି ଲ୍ୟାମ୍ପ, ୨୨ଟି ଏସଏଚଜି, ୩ଟି ପାଣିପଂଚାୟତ କ୍ରୟକାରୀ ସଂସ୍ଥା ଜରିଆରେ ଧାନ ବିକ୍ରୀ କରିବାକୁ  ୪୧ହଜାର ୭୩୬ଜଣ ଚାଷୀ ପଂଜିକରଣ କରିଥିଲେ। ଏମାନଙ୍କ ମଧ୍ୟରୁ ୪୪୬ଜଣ ଭୁତ ଚାଷୀଙ୍କୁ ସରକାର ଚିହ୍ନଟ କରିଛନ୍ତି। ଉପଗ୍ରହ ଜରିଆରେ ଯାଂଚ ପରେ ୨୧ହଜାର ୮୦୪ଟି ସଂଦେହାଜନକ ପ୍ଲଟ୍ ଚିହ୍ନଟ ହୋଇଛି। ଗତ ଖରିଫରେ ୧୬ହଜାର ୭୬୯ଟି ସଂଦୋହସ୍ପଦ ପ୍ଲଟ ଚିହ୍ନଟ ହୋଇଥିଲା। ଚଳିତ ଖରିଫ ମଣ୍ଡିରେ ଅଧିକା ୫୦୩୫ଟି ଚିହ୍ନଟ ହୋଇଛି।  ଏହି ପ୍ଲଟ ଗୁଡିକ ନିକଟକୁ ଯାଇ ଯୁଗ୍ମ କମିଟି ନିଜ ମୋବାଇଲରେ ଥିବା ଓଡିଶା ପେଡି ଲ୍ୟାଣ୍ଡ ସର୍ଭେ (ଓପିଏଲସି) ଆପରେ ଯାଂଚ କରିବେ। ନିଜ ମୋବାଇଲରେ ଏହି ଆପକୁ ଅନ୍ କରି ଗୁଗୁଲ. କମ୍ପାସ ଜରିଆରେ ଲଙ୍ଗଟିଚୁଡ, ଓ ଲାଟିଚୁଡ୍ ଆଦିକୁ ନେଇ ସଂଦେହାଜନକ ପ୍ଲଟର ଫଟୋ ଚିତ୍ର ଉତ୍ତୋଳନ କରି ଆପରେ ଅପଲୋଡ କରିବେ। ସେଭଳି ଅଧିକାରୀ ମାନେ ଓଡିଶା ପାଡି ଲ୍ୟାଣ୍ଡ ମନିଟରିଂ (ଓଲଏମ୍ ) ଆପ୍ ନିଜ ମୋବାଇଲରେ ଡାଉନଲୋଡ୍ କରି ଏଥିରେ ଯୁଗ୍ମ ସର୍ଭେ କମିଟି ଅ‌ପଲୋଡ୍ କରିଥିବା ସଂଦେହାସ୍ପଦ ପ୍ଲଟର ଫଟୋଚିତ୍ରକୁ ପୁନଃ ଯାଂଚ କରିବେ। ଏହା ପରେ ସଂଦେହାସ୍ପଦ ପ୍ଲଟକୁ ଚାଷୀ ପଂଜିକରଣ କରିଥିବା ପ୍ଲଟ୍ ମଧ୍ୟରୁ ବାଦ୍ ଦିଆଯିବ। ଏବଂ ସେ ଅନୁଯାୟୀ ଚାଷୀଙ୍କୁ ପି-ପାସ୍ (ପେଡି ପ୍ରୋକ୍ୟୁରମେଣ୍ଟ ଅଟୋମେସନ୍ ସିଷ୍ଟମ୍ ) ପ୍ରସ୍ତୁତ କରାଯିବ। ଏ ଅନୁଯାୟୀ ଚାଷୀଙ୍କୁ ଧାନ ବିକ୍ରୀ ପାଇଁ ଟକୋନ ବା ମେସେଜ୍ ନିଜ ପଂଜୀକୃତ ମୋବାଇଲକୁ ଆସିବ ବୋଲି ଡିଆରସିଏସ୍ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି।