ଖୋର୍ଦ୍ଧା: ଖୋର୍ଦ୍ଧା ସହରରେ କରୋନା ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ଘଟୁଛି । କରୋନା କଟକଣା ମାନିବାକୁ ପ୍ରଶାସନର ନିୟମିତ ପରାମର୍ଶ ପରେ ମଧ୍ୟ ଅନେକ ଅମାନିଆ ହେଉଛନ୍ତି । ଆଜି କୋଭିଡ୍ ନିୟମ ଉଲ୍ଲଂଘନ ଘଟଣାରେ ପୌର ପ୍ରଶାସନ ପକ୍ଷରୁ ଏକ ସୁନା ଦୋକାନକୁ ସିଲ କରାଯିବା ସହ ୧୦ହଜାର ଟଙ୍କାର ଜରିମାନା ଆଦାୟ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏନେଇ ସୂଚନା ଦେଇ ପୌର ନିର୍ବାହୀ ଅଧିକାରୀ ଶ୍ୱେତପଦ୍ମ ଶତପଥୀ କହିଛନ୍ତି ଯେ, କରୋନା ସଂକ୍ରମଣକୁ ଦୃଷ୍ଟିରେ ରଖି ଦୋକାନ ବଜାରରେ ଗହଳି କମାଇବାକୁ ପ୍ରଚେଷ୍ଟା କରାଯାଉଛି । ନୂଆ ବସଷ୍ଟାଣ୍ଡଠାରୁ ବ୍ୟାଙ୍କ ଛକ ମଧ୍ୟରେ ଥିବା ରାସ୍ତାକଡ଼ ଦୋକାନୀଙ୍କୁ ଉଠାଇ ହାବେଳୀ ପଡ଼ିଆ ଓ ଟିଏଲ୍ସି ପଡ଼ିଆ ସମ୍ମୁଖ ସ୍ଥାନରେ ବସିବାକୁ ନିର୍ଦ୍ଦେଶ ଦିଆଯାଇଛି । ସେହିଭଳି ଗତକାଲି କୋଭିଡ୍ ନିୟମ ଉଲ୍ଲଂଘନ କରିବା ଘଟଣାରେ ଏକ ସୁନା ଦୋକାନକୁ ସିଲ କରାଯାଇଥିଲା । ଆଜି ସେହି ଦୋକାନଠାରୁ ୧୦ହଜାର ଟଙ୍କା ଜରିମାନା ଆଦାୟ ସହ ପୁନର୍ବାର ନିୟମ ଉଲ୍ଲଂଘନ ନକରିବାକୁ ପ୍ରତିଶ୍ରୁତି ପରେ ଦୋକାନ ଖୋଲାଯାଇଛି । ସେହିଭଳି ଅନ୍ୟ ୪ଟି ତେଜରାତି ଦେକାନରୁ ମଧ୍ୟ ୬ ହଜାର ଟଙ୍କାର ଜରିମାନା ଆଦାୟ କରାଯାଇଛି ।