ରାଉରକେଲା : ଗାଡି ଯାଞ୍ଚ ନାଁରେ ଗାଡି ଚାଳକଙ୍କୁ ଚାନ୍ଦା ମାଗିବା ଦୁଇ ଟ୍ରାଫିକ ପୁଲିସଙ୍କୁ ମହଙ୍ଗା ପଡିଛି l ସାଧାରଣ ଜନତା ମଦ ପିଇ ଡିୟୁଟି କରୁଥିବା ଦୁଇ ଟ୍ରାଫିକ ପୁଲିସଙ୍କୁ ଘେରି ଠେଲା ପେଲା କରିଥିଲେ l ଯାହାକୁ କେନ୍ଦ୍ର କରି ମୋଟର ବାଇକ ଚାଳକ ଓ ଟ୍ରାଫିକ ପୁଲିସ ମଧ୍ୟରେ ମାଡପିଟ ହୋଇଥିଲା l
Sambad is now on WhatsApp
Join and get latest news updates delivered to you via WhatsApp
ପୁଲିସ ଘଟଣାସ୍ଥଳରେ ପହଞ୍ଚି ମୋଟର ବାଇକ ଚାଳକଙ୍କୁ ଗାଡ଼ିରେ ଉଠାଇ ନେବାରୁ ସାଧାରଣ ଜନତା ଅସନ୍ତୋଷ ବ୍ୟକ୍ତ କରିଥିଲେ। ପୁଲିସର ଏକ ପାଖିଆ ନିଷ୍ପତିକୁ ବିରୋଧ କରି ପୁଲିସ ଗାଡିକୁ ଆଗକୁ ବଢିବାକୁ ଦେଇ ନ ଥିଲେ ସାଧାରଣ ଜନତା l ଉତ୍ତେଜନା ସୃଷ୍ଟି ହେବା ସହ ସ୍ଥିତି ଅଣାୟତ୍ତ ହୋଇଥିଲା l ଏହାପରେ ଉଦିତନଗର, ଛେଣ୍ଡ ଥାନା ପୁଲିସ, ଟ୍ରାଫିକ ସହକାରୀ କମାଡାଂଟ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାସୁଝା କରି ଥିଲେ l
ମାତ୍ର ଦୁଇ ମଦୁଆ ଟ୍ରାଫିକ ପୁଲିସଙ୍କ ବିରୋଧରେ କାର୍ଯାନୁଷ୍ଠାନ ନେବାକୁ ଅଡି ବସିଥିଲେ ସାଧାରଣ ଜନତା l ଶେଷରେ ଉଦିତନଗର ପୁଲିସ ଦୁଇ ଟ୍ରାଫିକ ପୁଲିସଙ୍କୁ ଧରି ଥାନାକୁ ନେବା ପରେ ସ୍ଥିତି ଶାନ୍ତ ପଡିଥିଲା l