ଛତିଶଗଡ଼ର ଟ୍ରକ ଧକ୍କାରେ ସମ୍ବଲପୁରରେ ଜୀବନ ହାରିଲେ ପୁଲିସ କନେଷ୍ଟବଳ
ସମ୍ବଲପୁର: ସଦର ଥାନା ମାନେଶ୍ୱର ଅନ୍ତର୍ଗତ ମିର୍ଗାମୁଣ୍ଡା ନିକଟରେ ଟ୍ରକ ଧକ୍କାରେ ଜଣେ ପୁଲିସ କନେଷ୍ଟବଳଙ୍କ ମୃତ୍ୟୁ ହୋଇଛି । ମୃତକ ଜଣକ ହେଲେ କ୍ଷେତରାଜପୁର ଥାନାରେ କାର୍ଯ୍ୟରତ ରୋହିତ ଭରାସାଗର (୪୫) । ଏସଂପର୍କରେ ସଦର ଥାନା ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଦୁର୍ଘଟଣା ଘଟାଇଥିବା ଟ୍ରକଟିକୁ ଜବତ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ସଦର ଥାନା ଗୁରୁପାଲି ଗ୍ରାମର ରୋହିତ ଆଜି ଦିନ ପ୍ରାୟ ସାଢ଼େ ଗୋଟିଏରେ ଡ୍ୟୁଟି ସାରି ଘରକୁ ବାଇଇ (ଓଡ଼ି ୧୫ଜି-୮୮୧୨)ରେ ଯାଉଥିଲେ । ଏହି ସମୟରେ ସମ୍ବଲପୁର ପଟରୁ ଜମନକିରା ଆଡ଼କୁ ଯାଉଥିବା ଟ୍ରକ (ସିଜି ୦୪ ଜେସି-୧୩୮୧ ତାଙ୍କୁ ପଛ ପଟରୁ ଧକ୍କା ଦେଇ ପ୍ରାୟ ୫୦ ମିଟର ଘୋଷାଡ଼ି ନେଇଥିଲା । ଫଳରେ ଘଟଣାସ୍ଥଳରେ ହିଁ ରୋହିତଙ୍କ ମୃତ୍ୟୁ ହୋଇଥିଲା । ଦୁର୍ଘଟଣା ଘଟାଇ ଟ୍ରକଟି ଫେରାର ହୋଇଯାଉଥିବା ସମୟରେ ସିନ୍ଦୁରପଙ୍କ ନିକଟରେ ପୁଲିସ ଗାଡ଼ିଟିକୁ କାବୁ କରିଥିଲା । ତେବେ ଟ୍ରକର ଡ୍ରାଇଭର ଫେରାର ହୋଇଯାଇଥିଲା ଜଣାପଡ଼ିଛି ।