ମାଲକାନଗିରି: ଅମାନିଆ ସ୍କର୍ପିଓ କାରକୁ ଗୁଳି ମାରି ଅଟକାଇଲେ ସିଆରପିଏଫ ଯବାନ । ଅମାନିଆ ଚରମ ସୀମା ଟପି ଯିବାର ଖବର ଆସିଛି ମାଲକାନଗିରି ଜିଲ୍ଲାରୁ । ଆନ୍ଧ୍ରପ୍ରଦେଶର ଚିନ୍ତୁର ଠାରେ ପୁଲିସ ଉପରକୁ ଗାଡି ମଡ଼ାଇ ଓଡ଼ିଶା ଭିତରକୁ ପ୍ରବେଶ କରି ଥିଲା ଅମାନିଆ ସ୍କପିଓ । ପ୍ରଥମେ ମୋଟୁ ବର୍ଡର ଚେକ ପଏଂଟ, ପରେ ଏମଭି ୬୭ ଓ ପଡ଼ିଆ ଥାନା ଚେକପୋଷ୍ଟ ଭାଙ୍ଗି ପୁଣି ଛତିଶଗଡ଼ ପହଂଚି ଯାଇଥିଲା ଏହି ସ୍କପିଓ କାର ।
Sambad is now on WhatsApp
Join and get latest news updates delivered to you via WhatsApp
ଛତିଶଗଡ଼ ଠାରେ ଦୋର୍ନପାଲ, ଇଂଜରାମ, ଏରାବେରା ପରି ୯ଟି ଚେକ ପୋଷ୍ଟ ଭାଙ୍ଗି କୋଂଟା ପହଂଚିବା ପରେ ସେଠାରେ ସିଆପିଏଫର ଯବାନମାନେ ନାକାବନ୍ଦି କରି ରଖିଥିଲେ ।
ତଥାପି ଗାଡ଼ିଟି ଖସି ପଳେଇବାକୁ ଉଦ୍ୟମ କରୁଥିବା ବେଳେ ୨୨୮ ବାଟାଲିୟନର ଯବାନମାନେ ଗୁଳି କରି କାରଟିକୁ ଅଟକାଇଥିଲେ । ତେଵେଗଡ଼ିରେ କେଉଁମାନେ ଥିଲେ ଓ କେଉଁଆଡେ ଯାଉଥିଲେ ସେ ନେଇ ବିସ୍ତୃତ ତଥ୍ୟ ମିଳିପାରିନାହିଁ |