ଭଦ୍ରକରେ ବାତ୍ୟା ମୁକାବିଲାର ସମୀକ୍ଷା କଲେ ଡିଜି ପୁଲିସ
ଭଦ୍ରକ: ବାଲେଶ୍ବର ଜିଲ୍ଲାର ବାତ୍ୟା ମୁକାବିଲାର ସମୀକ୍ଷା କରି ଫେରିବା ବାଟରେ ରାସ୍ତାରେ ଭଦ୍ରକର ଚରମ୍ପା ନିକଟରେ ୧୬ ନମ୍ବର ଜାତୀୟ ରାଜପଥ କଡରେ ପ୍ରବାସୀ ପଥଚାରୀଙ୍କୁ ରନ୍ଧା ଖାଦ୍ୟ ଓ ଶୁଖିଲା ଖାଦ୍ୟ ପାନୀୟ ଜଳ ଯୋଗାଉଥିବା ବେଳେ ଏହାକୁ ବୁଲି ଦେଖିଥିଲେ ଡିଜି ପୁଲିସ। ସେହିପରି ରାସ୍ତାରେ ପଦଚାରୀମାନଙ୍କୁ ନେଇ ବସ୍ ଓ ଅନ୍ୟାନ୍ୟ ଗାଡିରେ ଅସହାୟ ଲୋକଙ୍କୁ କିଭଳି ଭାବେ ସେମାନଙ୍କ ନିଜ ଅଞ୍ଚଳରେ ଛାଡି ଯିବ ତାହା ଉପରେ ମଧ୍ୟ ଡିଜି ପଚାରି ବୁଝିଥିଲେ।
Sambad is now on WhatsApp
Join and get latest news updates delivered to you via WhatsApp
ସେହିପରି ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ଡିଜି ପୁଲିସ ଆଜି ଭଦ୍ରକ ଏସପି ରାଜଶେ ପଣ୍ଡିତ ଓ ଅନ୍ୟ ବରିଷ୍ଠ ପୁଲିସ ଅଧିକାରୀଙ୍କ ସହ ଆଲୋଚନା କରିଛନ୍ତି। ବାତ୍ୟା ସମୟରେ ଯେଭଳି ଭାବେ କେହି ଅସହାୟ ଲୋକ ରାସ୍ତାରେ ଚଲାବୁଲା କରିବେ ନାହିଁ। ତାହା ଉପରେ ଅଧିକ ଦୃଷ୍ଟି ଦେବାକୁ ଡିଜି ଜିଲ୍ଲା ପୁଲିସର ସମସ୍ତ ଅଧିକାରୀ ଓ କର୍ମଚାରୀଙ୍କୁ ନିର୍ଦ୍ଦେଶ ଦେଇଛନ୍ତି।
ଭଦ୍ରକ ଜିଲ୍ଲାର ବାସୁଦେବପୁର, ଚାନ୍ଦବାଲି ଓ ଧାମରା ଅଞ୍ଚଳରେ ଅଧିକ ପୁଲିସ ଫୋର୍ସ ମୁତୟନ କରିବାକୁ ଏସପିଙ୍କୁ ନିର୍ଦ୍ଦେଶ ଦେଇଛନ୍ତି। ଧାମରାର ମେରାଇନ୍ ପୁଲିସକୁ ସମୁଦ୍ର ତଟବର୍ତ୍ତୀ ଅଞ୍ଚଳରେ ଅଧିକ ସଜାଗ ରହିବାକୁ କୁହାଯାଇଛି। ଜିଲ୍ଲାରେ ମୁତୟନ କରାଯାଇଥିବା ୫ ଏନଡିଆରଏଫ ଟିମ୍ ଓ ଅଗ୍ନିଶ୍ରମ କର୍ମଚାରୀଙ୍କ ସହ ମିଶି ସାମ୍ଭାବ୍ୟ ବାତ୍ୟାର ମୁକାବିଲା କରିବାକୁ ଡିପି ପୁଲିସ ପରାମର୍ଶ ଦେଇଥିଲେ।