ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ସମେତ ଅନ୍ୟ କେତୋଟି ଜିଲ୍ଲାରେ ଆସନ୍ତା ଜୁନ ୧ ତାରିଖ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏନେଇ ରାଇରଙ୍ଗପୁର ଟାଉନ୍ ଥାନା ସମେତ ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ହାଟବାଦଡା ଫାଣ୍ଡି ପୁଲିସ ତରଫରୁ ବିଶାଳ ଫ୍ଲାଗମାର୍ଚ୍ଚ ଏସଡିପିଓ ଗୋକୁଳାନନ୍ଦ ସାହୁ ରାଇରଙ୍ଗପୁରଙ୍କ ନେତୃତ୍ବରେ ଅନୁଷ୍ଠିତ ହୋଇଯାଇଛି। ଏହାର ଉଦେଶ୍ୟରେ ଭୋଟ ଦାନ ସମସ୍ତଙ୍କର ମୌଳିକ ଓ ଗଣତାନ୍ତ୍ରିକ ଅଧିକାର। ଏହାକୁ ସଂପୂର୍ଣ ମୁକ୍ତ ଓ ଅବାଧ କରାଯିବା ପାଇଁ ପ୍ରଶାସନିକ ଓ ପୁଲିସ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି । ସମସ୍ତେ ନିର୍ଭୟରେ ନିଜ ମନ ପସନ୍ଦର ଯୋଗ୍ୟ ପ୍ରାର୍ଥୀଙ୍କୁ ଭୋଟ ଦେବାକୁ ଅନୁରୋଧ କରାଯାଇଛି। ରାଇରଙ୍ଗପୁର ଟାଉନ୍ ଥାନା ଅଧିକାରୀ ସୁଚନ୍ଦ୍ର ମହାଳିକ, ଥାନାର ସମସ୍ତ ଏସ୍ ଆଇ,ରାଇରଙ୍ଗପୁର ଗ୍ରାମାଞ୍ଚଳ ଥାନାର ଏସଆଇ ସେମେଲିନି ରାଉତ, ଏଏସଆଇ ରଘୁନାଥ ଦେହୁରୀଙ୍କ ସମେତ ସମସ୍ତ ପୁଲିସ କର୍ମଚାରୀ ସାମିଲ ହୋଇଥିଲେ।