ମାନବବାଦୀ ସଂଗଠନର ତାଲିବାନୀ ଶାସନ, ସଂଗଠନ ମୁଖିଆକୁ ଡରୁଛି ପୁଲିସ
ଖୋର୍ଦ୍ଧା: ଶୁକ୍ରବାର ସାମାଜିକ ଗଣମାଧ୍ୟମରେ ସଅର ସମ୍ପ୍ରଦାୟର ଜଣେ ୬୫ ବର୍ଷର ବୃଦ୍ଧ ଓ ତାଙ୍କ ପୁଅଙ୍କୁ ଅତି ଅମାନୁଷିକ ଭାବେ ମାଡ଼ ମାରିବା ଘଟଣା ଭାଇରାଲ୍ ହୋଇଥିଲା। ଏହି ଘଟଣା ପରେ ଆଜି ପୁଲିସ ସମ୍ପୃକ୍ତ ପୀଡ଼ିତ ମାଗୁଣି ନାୟକଙ୍କ ଠାରୁ ଏତଲା ଗ୍ରହଣ କରିଛି। କେବଳ ଏହାନୁହେଁ ଏସ୍ପି ରାଜ କିଶୋର ଦୋରା ଓ ଏସ୍ଡ଼ିପିଓଙ୍କୁ ନେଇ ଏକ ପୁଲିସ ଟିମ୍ ଉକ୍ତ ଅଞ୍ଚଳ ଗସ୍ତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ମାଗୁଣି ନାୟକ ତାଙ୍କ ଉପରେ ହୋଇଥିବା ଆକ୍ରମଣରେ ସଂଗଠନର ମୁଖିଆ ମାନବବାଦୀ ସଂଗଠନ ଓ ମାନସ ଦାସର ସମ୍ପୃକ୍ତି ଥିବା କହୁଥିବା ବେଳେ ପୁଲିସ ଓ ଏସ୍ପି ଏହି ଘଟଣାକୁ ପୂର୍ବଭଳି ଏଡ଼ାଇ ଦେଇଛନ୍ତି। ଆଜି ଏସ୍ପି ଶ୍ରୀ ଦୋରା ଓ ଏସ୍ଡ଼ିପିଓ ସୁଶୀଲ ମିଶ୍ରଙ୍କ ସମେତ ଏକ ପୁଲିସ ଟିମ୍ କଡ଼ବ ଗାଁ ଗସ୍ତ କରିଥିଲେ।
ସେଠାରେ ଆକ୍ରମଣର ଶିକାର ହୋଇଥିବା ମାଗୁଣି ନାୟକଙ୍କ ସହ ଆଲୋଚନା କରିଥିଲେ। ଏହାପରେ ମାଗୁଣିଙ୍କୁ ବେଗୁନିଆ ଥାନା ଅଣାଯାଇ ପ୍ରାୟ ୧ ଘଣ୍ଟା ତାଙ୍କ ସହ କଥାବାର୍ତ୍ତା କରିଥିଲେ। ଏହାପରେ ମାଗୁଣି ନାୟକ କହିଛନ୍ତି ଯେ ସେ ମାନସ ଦାସ ଓ ମାନବବାଦୀ ସଂଗଠନର ଅତ୍ୟାଚାର ସମ୍ପର୍କରେ ପୁଲିସକୁ ଲିଖିତ ଜଣାଇଛନ୍ତି। ଏହି ସଂଗଠନ ଦ୍ୱାରା କେବଳ ସେ ଓ ତାଙ୍କ ପୁଅ ନୁହନ୍ତି ତାଙ୍କ ଭଳି ଅନେକ ଏଭଳି ଅତ୍ୟାଚାରର ଶିକାର ହୋଇଛନ୍ତି।