ପୁଲିସ ପାଟ୍ରୋଲିଂ ଭ୍ୟାନକୁ ଧକ୍କା ଦେଲା ଟ୍ରକ୍

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ବହଳଦା ଥାନାର ପାଟ୍ରୋଲିଂ ଭ୍ୟାନ୍‌କୁ ଧକ୍କା ଦେଲା ଟ୍ରକ୍। ଏଥିରେ ଜଣେ ପୁଲିସ କର୍ମଚାରୀ ସାମାନ୍ୟ ଆହତ ହୋଇଥିବା ସୂଚନା। ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ବହଳଦା ଥାନାର ପୁଲିସ ପକ୍ଷରୁ ପାଟ୍ରୋଲିଂ କରାଯାଉଥିଲା । ତେବେ ବାସିଙ୍ଗୀ ନିକଟରେ କର୍ମଚାରୀମାନେ ଭ୍ୟାନକୁ ଛିଡା କରି ଚା’ ପିଉଥିବା ସମୟରେ ବିପରିତ ଦିଗରୁ ଆସୁଥିବା ଏକ ଟ୍ରକ୍(ନମ୍ବର ବିହୀନ ନୂତନ ଚ୍ୟାଚିସ୍) ଭାରସାମ୍ୟ ହରାଇ ପୁଲିସ ଭ୍ୟାନକୁ ଧକ୍କା ଦେଇଥିଲା । ଫଳରେ ଭ୍ୟାନରେ ବସିଥିବା ଜଣେ ପୁଲିସ କର୍ମଚାରୀ ସାମାନ୍ୟ ଆହତ ହୋଇଥିବା ସୂଚନା ମିଳିଛି । ଦୁର୍ଘଟଣା ଘଟାଇଥିବା ନମ୍ବରବିହୀନ ନୂତନ ଟ୍ରକକୁ ପୁଲିସ ଜବତ କରିବା ସହିତ ଚାଳକକୁ ଥାନାରେ ଅଟକ ରଖିଛି।