ପାରାଦୀପ ଚିଙ୍ଗୁଡ଼ି ଫ୍ୟାକ୍ଟ୍ରିରୁ ଆମୋନିୟମ ଗ୍ୟାସ ଲିକ; ୩ ଜଣ ଗୁରୁତର
ପାରାଦୀପ:ପାରାଦୀପ ଚିଙ୍ଗୁଡ଼ି ଫ୍ୟାକ୍ଟ୍ରିରୁ ଆମୋନିୟମ ଗ୍ୟାସ ଲିକ, ୩ ଜଣ ଗୁରୁତର। ଏହି ଘଟଣାରେ ମୋଟ ୧୩ ଜଣ ପ୍ରଭାବିତ ହୋଇଥିବାବେଳ ୧୦ ଜଣଙ୍କୁ ପାରାଦୀପ ମେଡିକାଲରେ ଭର୍ତ୍ତି କରାଯାଇଥିବବେଳେ ଗୁରୁତର ୩ ଜଣଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ତିନ ଗୁରୁତରଙ୍କ ମଧ୍ୟରେ ଜଣେ ଶିଶୁ ରହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ପାରାଦୀପ ଗଡ଼ ଇଣ୍ଡଷ୍ଟ୍ରିଆଲ ଏରିଆରେ ଥିବା ଲକ୍ଷ୍ମୀନାରାୟଣ ଚିଙ୍ଗୁଡ଼ି ଫ୍ୟାକ୍ଟ୍ରିରେ ଥିବା ଆମୋନିଆ ଟ୍ୟାଙ୍କରର ଏକ ଭଲବରୁ ଆମୋନିଆ ଲିକ୍ ହୋଇଥିଲା। ଏହି ଘଟଣାରେ ମୋଟ ୧୩ ଜଣ ଆମୋନିଆ ଗ୍ୟାସ ପ୍ରଭାବରେ ଆସିଥିଲେ। ସେଠାରେ କାମ କରୁଥିବା ୨ ଜଣ ମହିଳା ଜଣେ ଶିଶୁ ଏହି ଗ୍ୟାସର ପ୍ରଭାବରେ ଚେତାଶୂନ୍ୟ ହୋଇ ପଡିଥିଲେ। ଗୁରୁତରଙ୍କୁ ତୁରନ୍ତ କଟକ ସ୍ଥିତ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ସେହିପରି ୧୦ ଜଣ ଆହତଙ୍କୁ ପାରାଦୀପ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ଲକ ଥାନା ପୋଲିସ ଓ ଏକ ଟେକ୍ନିକାଲ ଟିମ୍ ଘଟଣାସ୍ଥଳକୁ ଯାଇ ତଦନ୍ତ କରିଛନ୍ତି। ସଙ୍ଗେ ସଙ୍ଗେ ଚିଙ୍ଗୁଡି ଫ୍ୟାକ୍ଟ୍ରିର ଭଲଭକୁ ବଦଳାଇ ଦିଆଯାଇଛି।