ବାଣଫୁଟାକୁ ନେଇ ପୂର୍ବତନ ଆସିକା ବ୍ଲକ୍ ଅଧ୍ୟକ୍ଷଙ୍କ ଗାଁରେ ନିର୍ବାଚନୀ ପରବର୍ତ୍ତୀ ହିଂସା: ଜଣେ ମୃତ ଓ ୩ ଗୁରୁତର
୧୦ରୁ ଅଧିକ ବାଇକ୍ ଭଙ୍ଗାରୁଜା, ଘଟଣାସ୍ଥଳରେ ପୁଲିସ ଛାଉଣୀ
ଆସିକା: ଗଞ୍ଜାମ ଜିଲ୍ଲା ଆସିକା ବ୍ଳକ ତଥା ଗାଙ୍ଗପୁର ଥାନା କେନ୍ଦୁପଦରର ଗ୍ରାମରେ ନିର୍ବାଚନ ପରବର୍ତ୍ତୀ ରାଜନୈତିକ ହିଂସାକାଣ୍ଡ ଦେଖାଦେଇଛି । ଏହି ପଞ୍ଚାୟତ ପୂର୍ବତନ ବ୍ଲକ୍ ଅଧ୍ୟକ୍ଷ ହରେକୃଷ୍ଣ ମଲ୍ଲିକଙ୍କ ଅଞ୍ଚଳ ହୋଇଥିବା ବେଳେ ଗତରାତିରେ ବାଣଫୁଟାକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ ହୋଇଥିଲେ । ଏହି ମୁହାଁମୁହିଁ ଏତେ ଭୟଙ୍କର ହୋଇଥିଲା ଯେ ଗୋଟିଏ ଗୋଷ୍ଠୀର ଖଣ୍ଡା ଓ ଭୂଜାଲି ମାଡରେ ଜଣକ ମୃତ୍ୟୁ ହୋଇଛି।। ମୃତକଜଣକ ବୁଲୁ ସ୍ବାଇଁ ବୋଲି ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟଜଣେ ଏବେ ବି ନିଖୋଜ ଥିବା ବେଳେ ଆଉ ଜଣେ ଗୁରୁତର ଆହତ ହୋଇ ବ୍ରହ୍ମପୁର ବଡ ମେଡିକାଲରେ ଚିକିତ୍ସିତ ହେଉଛନ୍ତି । ଘଟଣାସ୍ଥଳରେ ଆସିକା, ଗାଙ୍ଗପୁର, ଓ ବୁଗୁଡା ପୁଲିସ ସମେତ ଭଞ୍ଜନଗର ଏସଡିପିଓ ପହଞ୍ଚି ମାମଲାର ତଦନ୍ତ ଆରମ୍ଭ କରିଛନ୍ତି । ସେପଟେ ୧୦ଟି ଭଙ୍ଗା ଗାଡି ଜବତ କରାଯାଇଥିବା ଵେଳେ ୧୦ରୁ ଅଧିକ ଥାନାରେ ଅଟକ ଥିବା ଜଣାପଡିଛି । ଏହା ସହ କେନ୍ଦୁପଦର ଗ୍ରାମର ବଳରାମ ପୋଲାଇ, ଚାଟୁଳା ଗାଁର ଅବିନାଶ ବରଡ, ଦୁର୍ଗା ପ୍ରସାଦ ପାଣିଗ୍ରାହୀ ଗୁରୁତର ହୋଇ ପ୍ରଥମେ ଆସିକା ମେଡିକାଲ ଓ ପରେ ବ୍ରହ୍ମପୁର ବଡ଼ ମେଡିକାଲଠାରେ ଚିକିତ୍ସିତ ହେଉଛନ୍ତି । ଏପଟେ ରାଜନୈତିକ କାରଣ ଯୋଗୁଁ ପରିବାରର ମୁଖ୍ୟ ଜୀବନ ହାରିଥିବା ପରିବାର ପକ୍ଷରୁ ଅଭିଯୋଗ କରାଯାଇଛି।