୩ ଦଫା ଦାବିରେ ଭାରତୀୟ କିଷାନ୍ ସଂଘର ବିକ୍ଷୋଭ ଓ ଦାବିପତ୍ର ପ୍ରଦାନ
ଖୋର୍ଦ୍ଧା: ସର୍ବନିମ୍ନ ସହାୟକ ମୂଲ୍ୟ ବଦଳରେ କୃଷକଙ୍କୁ ଉତ୍ପାଦନର ଲାଭ ପ୍ରଦାନ କରିବା ଆଦି ୩ ଦଫା ଦାବିରେ ଆଜି ଭାରତୀୟ କିଷାନ୍ ସଂଘ ଖୋର୍ଦ୍ଧା ଜିଲ୍ଲା ଶାଖା ପକ୍ଷରୁ ଜିଲ୍ଳାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି । ଆଜି ସକାଳ ପ୍ରାୟ ୧୧ଟାରେ ସଂଘର କର୍ମକର୍ତ୍ତା ଓ ସଦସ୍ୟମାନେ ଜିଲ୍ଳାପାଳଙ୍କ କାର୍ଯ୍ୟାଳୟ ସମ୍ମୁଖରେ ବ୍ୟାନର ଆଦି ନେଇ ପହଂଚିଥିଲେ ।
Sambad is now on WhatsApp
Join and get latest news updates delivered to you via WhatsApp
ସେଠାରେ କିଛି ସମୟ ବିକ୍ଷୋଭ ପ୍ରଦର୍ଶନ କରିବା ସହ ଏକ ପ୍ରତିନିଧି ଦଳ ଯାଇ ଜିଲ୍ଳାପାଳଙ୍କୁ ମୁଖ୍ୟମନ୍ତ୍ରୀଙ୍କ ଉଦେ୍ଦଶ୍ୟରେ ଏକ ଦାବିପତ୍ର ପ୍ରଦାନ କରିଥିଲେ । ଏନେଇ ସଂଘର ଜିଲ୍ଲା ସଭାପତି ବୈକୁଣ୍ଠନାଥ ମହାପାତ୍ର କହିଛନ୍ତି ଯେ ସର୍ବନିମ୍ନ ସହାୟକ ମୂଲ୍ୟ ପରେ ମଧ୍ୟ ଚାଷୀଙ୍କ ପ୍ରମୁଖ ସମସ୍ୟା ହେଲା ସେମାନଙ୍କ ଉତ୍ପାଦର ସଠିକ ଲାଭ ସହିତ ମୂଲ୍ୟ ମଣ୍ଡିରେ ପାଇପାରୁନାହାନ୍ତି । ଯେହେତୁ କୃଷି ଓ ଅନେକ କୃଷିଜାତ ସାମଗ୍ରୀ ଦର ସରକାରଙ୍କ ଦ୍ୱରା ନିୟନ୍ତ୍ରିତ ହୋଇଥାଏ ଫଳରେ ଚାଷୀମାନେ ସ୍ୱାଧୀନ ଭାବେ ନିଜ ଉତ୍ପାଦକୁ ଖୋଲାବଜାରରେ ନିଜର ନିର୍ଦ୍ଧାରିତ ମୂଲ୍ୟ ଦ୍ୱାରା ବିକ୍ରି କରିପାରନ୍ତି ନାହିଁ । ଏହାଦ୍ୱାରା ଦେଶର କେବଳ ଦୁଇଟି ଅଂଚଳର ଚାଷୀ ଲାଭବାନ ହେଉଥିବା ବେଳେ ଅନ୍ୟ ଅଂଚଳର ଚାଷୀମାନେ ନିଜ ଉତ୍ପାଦର ଉପଯୁକ୍ତ ମୂଲ୍ୟ ପାଇପାରୁନାହାନ୍ତି ।
ଏଣୁ ମୁଦ୍ରାସ୍ପୀତିକୁ ନେଇ କୃଷି ସାମଗ୍ରୀର ଦର ନିର୍ଦ୍ଧାରଣ କରାଯାଉ । ସର୍ବନିମ୍ନ ସହାୟକ ମୂଲ୍ୟ ଠାରୁ ବଜାରରେ କମ୍ଦରରେ କିଣିବାକୁ ଅପରାଧିକ କାର୍ଯ୍ୟଭାବେ ବିବେଚନା କରାଯାଇ ପଦକ୍ଷେପ ନିଆଯାଉ ।
ଆଜିର ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ସଚିବ ଗଗନ ବିହାରୀ ପ୍ରତିହାରୀ, ଅପସରପ୍ରାପ୍ତ ସେନାଧିକାରୀ ମଧୁସୂଦନ ଦାସ, ମୀନକେତନ ମହାନ୍ତି, ସୁଦର୍ଶନ ରଥ, ମଧୁସୂଦନ ମିଶ୍ର, ଏସ୍ କେ ବଳିଆରସିଂହ ପ୍ରମୁଖ ଉପସ୍ଥିତ ଥିଲେ ।