ମାଳି ପର୍ବତରୁ ଖଣି ଖନନ ବନ୍ଦ କର: ପ୍ରଫୁଲ ସାମନ୍ତରା
କୋରାପୁଟ: ମାଳି ପର୍ବତରୁ ଖଣି ଖନନ ବନ୍ଦ କର। ସ୍ଥାନୀୟବାସିନ୍ଦା ଖଣି ଖନନକୁ ବନ୍ଦ କରିଥିବାବେଳେ କାହିଁକି ଉକ୍ତ କମ୍ପାନି ଖଣି ଖୋଳିବାକୁ ଚାହିଁଛି ତାହାର ତଦନ୍ତ ହେବ। ପରିବେଶ ମଞ୍ଜୁରୀ ନ ଥାଇ ମଧ୍ୟ କିପରି ଏହିଠାରେ ଖଣି ଖୋଳାଯିବ ତାହାକୁ ବିରୋଧ କରାଯିବ ବୋଲି କହିଛନ୍ତି ଲୋକଶକ୍ତି ଅଭିଯାନର ରାଜ୍ୟ ସଭାପତି ପ୍ରଫୁଲ୍ଲ ସାମନ୍ତରା।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ କୋରାପୁଟ ପ୍ରେସ କ୍ଲବ ଠାରେ ଏକ ସାମ୍ବାଦିକ ସମ୍ମିଳନୀ କରି ସରକାର ଓ ଉକ୍ତ କମ୍ପାନି ବିରୋଧରେ ବର୍ଷିଥିଲେ । କୋରାପୁଟ ଜିଲ୍ଲାର ମାଳି ପର୍ବତରୁ ଖଣିଖନନକୁ ବିରୋଧ କରିଛି ମାଳି ପର୍ବତ ସୁରକ୍ଷା ସମିତି । ତେଣୁ ମାଳି ପର୍ବତରୁ ଖଣିଖନନ କରିବା ନେଇ ପରିବେଶ ମଂଜୁରୀ ଜନଶୁଣାଣୀକୁ ତିବ୍ର ବିରୋଧ କରାଯିବ ବୋଲି କହିଛନ୍ତି ପ୍ରଫୁଲ୍ଲ । ଆସନ୍ତା ୨୨ତାରିଖ ଦିନ ସରକାର ମାଳିପର୍ବତ ଓ ଦେଓମାଳିକୁ ପରିବେଶ ମଂଜୁରୀ ଜନଶୁଣାଣୀ ରଖିଛନ୍ତି ।
ବର୍ତମାନ ମାଳି ପର୍ବତରେ ଖୁବ କମ ପରିମାଣର ଖଣିଜ ସଂପଦ ରହିଛି । ମାଳି ପର୍ବତରୁ ଖଣିଜ ସଂପଦ ବାହାର କରାଗଲେ କୋରାପୁଟ ଅଂଚଳର ଜଳବାୟୁ, ଜଳସ୍ତର ଓ ଅଂଚଳ ମରୁଭୁମି ପାଲଟି ଯିବ । ତେଣୁ ଆଦିବାସୀଙ୍କ ସୁରକ୍ଷା ତଥା ପ୍ରକୃତିକ ସଂପଦର ସୁରକ୍ଷା ପାଇଁ ଖଣିଲିଜ ବାତିଲ ଆଦେଶ ଦେବାକୁ ରାଜ୍ୟପାଳଙ୍କୁ ଅନୁରୋଧ କରାଯିବ ବୋଲି ସେ ଜଣେଇଛନ୍ତି । ଏହି ସମ୍ମିଳନୀରେ ଆଡଭୋକେଟ ଗୁପ୍ତେଶ୍ୱର ପାଣିଗ୍ରାହୀ ଓ ରାଜ୍ୟ ଆବାହକ ନରେନ୍ଦ୍ର ମହାନ୍ତି ଉପସ୍ଥିତ ଥିଲେ । ଅନ୍ୟପକ୍ଷରେ ମାଳି ପର୍ବତ ସପକ୍ଷବାଦୀଙ୍କ ପକ୍ଷରୁ ତୀବ୍ର ବିରୋଧର ଶିକାର ହୋଇ ଦୀର୍ଘ ଏକ ଘଣ୍ଟା ଧରି ପ୍ରେସକ୍ଲବରେ ବନ୍ଦି ହୋଇ ରହିଥିଲେ ପ୍ରଫୁଲ ଓ ତାଙ୍କ ସହଯୋଗୀ। ଟାଉନ ପୁଲିସ ଘଟଣାସ୍ଥଳରେ ପହଞ୍ଚିବା ପରେ ତାଙ୍କୁ ଉଦ୍ଦାର କରିଥିଲେ। ଏହାପରେ ସେ ଗନ୍ତବ୍ୟସ୍ଥଳକୁ ଯାଇଥିଲେ।