କାମାକ୍ଷାନଗର: ସରକାରଙ୍କ ଅନୁମତିରେ ଯେଉଁ ସ୍କୁଲରେ ୧୫ ରୁ ୨୦ ଜଣ ପିଲା ପାଠ ପଢୁଥିବେ ସେହି ସ୍କୁଲ ଉଠିଯାଇ ଅନ୍ୟ ସ୍କୁଲରେ ମିଶିଯିବ । କିନ୍ତୁ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଯଦି ସ୍କୁଲଟି ଦୁର୍ଗମ ଅଞ୍ଚଳରେ ଥିବ ଓ ପିଲାଙ୍କ ପାଠପଢା ପାଇଁ ଯାତାୟତରେ ବାଧା ଉପୁଜୁଥିବ ତାହେଲେ ସେହି ସ୍କୁଲରେ ୧୫ ରୁ ୨୦ ପିଲା ପାଠ ପଢ଼ିଲେ ମଧ୍ୟ ସ୍କୁଲ ଉଠିବ ନାହିଁ ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଏହି ନିର୍ଦ୍ଦେଶର ଖୋଲାଖୋଲି ଉଲ୍ଲଙ୍ଘନ ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ୍ ଅନ୍ତର୍ଗତ ଆଖୁଆପଳା ପଞ୍ଚାୟତର ମୋହନପଶି ସରକାରୀ ପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି | ଏଠାରେ ପ୍ରଥମ ଶ୍ରେଣୀରେ ନାମ ଲେଖାଇ ହେଉନାହିଁ ଯାହାକୁ ନେଇ ଆଜି ଅଭିଭାବକ ଓ ଛାତ୍ରଛାତ୍ରୀମାନେ ଅଭିନବ ଢଙ୍ଗରେ ୧୪୯ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି ।
ଅଣ୍ଡା, ଚାଉଳ, ଖାତା ବହି ଧରି ରାସ୍ତାରେ ପାଠ ପଢିବା ସାଙ୍ଗକୁ ଅଭିନବ ଢଙ୍ଗରେ ରାଜପଥ ଅବରୋଧ କରିଛନ୍ତି ।ଏହି ଖବର ବିଷୟରେ ବ୍ଲକ ଶିକ୍ଷା ଅଧିକାରୀ କହିଲେ ବିଦ୍ୟାଳୟ ନଉଠିବା ପାଇଁ ସରକାରଙ୍କୁ ଜଣାଇ ଦିଆଯାଇଛି ଖୁବ ଶୀଘ୍ର ଏହାର ସମାଧାନ ହୋଇଯିବ ।