ରଥଯାତ୍ରା ପୂର୍ବରୁ ଶ୍ରୀଜଗନ୍ନାଥ ମନ୍ଦିର ଭିତର ମରାମତି ଏବଂ ରକ୍ଷଣାବେକ୍ଷଣ କାର୍ଯ୍ୟକୁ ନେଇ ବାର୍ଷିକ ବୈଠକ

ପୁରୀ: ରଥଯାତ୍ରା ଚଳିତ ବର୍ଷ ଜୁଲାଇ ୧୨ ତାରିଖରୁ ଆରମ୍ଭ ହେବ। ଆଜି ଶ୍ରୀମନ୍ଦିରର ମୁଖ୍ୟ ପ୍ରଶାସକ ଡକ୍ଟର କୃଷ୍ଣ କୁମାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶ୍ରୀଜଗନ୍ନାଥ ମନ୍ଦିର ପ୍ରଶାସନର ବାର୍ଷିକ ବୈଠକରେ ମନ୍ଦିର ଭିତରେ ମରାମତି ଏବଂ ରକ୍ଷଣାବେକ୍ଷଣ କାର୍ଯ୍ୟକୁ ସମନ୍ୱିତ କରିବା ନେଇ ଆଲୋଚନା ହୋଇଥିଲା। ଏହି ବୈଠକରେ ଏସଆଇ, ଶ୍ରୀଜଗନ୍ନାଥ ମନ୍ଦିର ପ୍ରଶାସନର ଅଧିକାରୀ ଏବଂ ପୂର୍ତ୍ତ ବିଭାଗର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।

ଏଥିରେ ଏଏସଆଇ ଅତିରିକ୍ତ ଡିଜି ଜାନୱିଜ ଶର୍ମା ଏବଂ ନିର୍ଦ୍ଦେଶକ ବିଜ୍ଞାନ ସଂରକ୍ଷଣ ଡକ୍ଟର ରାମଜୀ ନିଗମ, ପ୍ରତ୍ନତାତ୍ତ୍ୱିକ ସର୍ଭେ ଅଫ୍ ଇଣ୍ଡିଆକୁ ପ୍ରତିନିଧିତ୍ୱ କରିଥିଲେ। ଏହି ବୈଠକରେ ଡି ପି ମିଶ୍ର, ବିନ୍ଦେଶ୍ୱର ପାତ୍ର ଏବଂ ବି କେ ରଥ ପ୍ରଖ୍ୟାତ ବାହ୍ୟ ବିଶେଷଜ୍ଞମାନେ ମଧ୍ୟ ଉପସ୍ଥିତ ଥିଲେ।

the-financial-express.

ବାର୍ଷିକ ମରାମତି ଏବଂ ପୁନରୁଦ୍ଧାର କାର୍ଯ୍ୟ ଗର୍ଭଗୃହ ଏବଂ ମନ୍ଦିରର ଅନ୍ୟାନ୍ୟ ଅଂଶରେ କରାଯିବବୋଲି ନିଷ୍ପତ୍ତି ହୋଇଛି। କୋଭିଡ କଟକଣା ଭିତରେ ଏହି କାମ ହେବ। ଏ ବାବଦରେ ଏଏସଆଇ ଏବଂ ପୂର୍ତ୍ତ ବିଭାଗ ମିଳିତ ଭାବେ ଏକ ମାଇକ୍ରୋ ୱାର୍କ ଯୋଜନା ପ୍ରସ୍ତୁତ କରିବ। ଏହାଛଡ଼ା, ବିଭିନ୍ନ ପାର୍ଶ୍ବ ମନ୍ଦିର ତଥା ମନ୍ଦିର କମ୍ପ୍ଲେକ୍ସର ଅନ୍ୟାନ୍ୟ ଅଂଶର ବ୍ୟାପକ ସଂରକ୍ଷଣ କାର୍ଯ୍ୟ ପାଇଁ ପାଞ୍ଚ ବର୍ଷର କାର୍ଯ୍ୟ ଯୋଜନା ପ୍ରସ୍ତୁତ କରିବାକୁ ନିଷ୍ପତ୍ତି ନିଆଯାଇଛି।

ସମ୍ବନ୍ଧିତ ଖବର