ନିମାପଡ଼ା : ବହୁଚର୍ଚ୍ଚିତ ଅସ୍ତରଙ୍ଗ ଗଣହତ୍ୟା ଘଟଣାରେ ଆଜି ନିମାପଡ଼ା ଅତିରିକ୍ତ ଜିଲ୍ଲା ଦୌରାଜଜ୍ ୪ ଅଭିଯୁକ୍ତଙ୍କ ପାଇଁ ଦଣ୍ଡଘୋଷଣା ଶୁଣାଇଛନ୍ତି। େମାନଙ୍କ ମଧ୍ୟରୁ ୨ ଜଣଙ୍କୁ ଯାବଜ୍ଜୀବନ (ମୃତ୍ୟୁପର୍ଯ୍ୟନ୍ତ) ଏବଂ ଜଣକୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
୨୦୧୫ ମସିହା ସେପ୍ଟେମ୍ବର ୨୧ ତାରିଖ ରାତିରେ ଅସ୍ତରଙ୍ଗ ଥାନା ଦିନାଡିହ ଗାଁର ଅବସରପ୍ରାପ୍ତ ଡିଆଇ ଦୀନବନ୍ଧୁ ମଲ୍ଲିକଙ୍କ ପରିବାରର ୪ ଜଣଙ୍କୁ ବୀଭତ୍ସ ଭାବେ ହତ୍ୟା କରାଯାଇଥିଲା। ଅନେକ ତଥ୍ୟ ପ୍ରମାଣ ଓ ଗିରଫ ଅଭିଯୁକ୍ତଙ୍କ ବୟାନକୁ ଭିତ୍ତି କରି ତଥା ସାକ୍ଷୀଙ୍କ ବୟାନକୁ ନେଇ ଅତିରିକ୍ତ ଜିଲ୍ଲା ଦୌରା ଜଜ୍ ଅଭିଯୁକ୍ତ ୩ ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ। ୨ ଜଣଙ୍କୁ ହତ୍ୟାକାରୀ ଓ ଜଣକୁ ହତ୍ୟା ଷଡ଼ଯନ୍ତ୍ରକାରୀ ତଥା ହତ୍ୟାରେ ସହଯୋଗ କରିଥିବା ଦୋଷ ପ୍ରମାଣିତ ହୋଇଥିଲା। ତଦନୁଯାୟୀ ଅତିରିକ୍ତ ଜିଲ୍ଲା ଦୌରା ଜଜ୍ ଆଜି ଦଣ୍ଡାଦେଶ ଶୁଣାଇଥିଲେ। ଆଜୀବନ କାରାଦଣ୍ଡରେ ଦଣ୍ଡିତ ହୋଇଥିବା ୨ ଅଭିଯୁକ୍ତ ହେଲେ ରହିମ୍ ଖାନ୍ ଓ ପତ୍ନୀ ଆୟେଶା ବେଗମ୍। ସେହିଭଳି, ଅନ୍ୟତମ ଦୋଷୀ ଫକିର ମଲ୍ଲିକଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି। ଫକିର ହେଉଛି ମୃତ ଦିନବନ୍ଧୁଙ୍କ ସଢ଼ୁ। ତେବେ ସମସ୍ତ ଦୋଷୀ କୋର୍ଟଙ୍କ ରାୟକୁ ହାଇକୋର୍ଟରେ ଚ୍ୟାଲେଞ୍ଜ କରିବେ ବୋଲି କହିଛନ୍ତି।