ପୂର୍ବତନ ଡିଆଇ ଦିନବନ୍ଧୁ ମଳିକ ପରିବାରର ୪ ଜଣଙ୍କୁ ହତ୍ୟା ମାମଲାର ରାୟ ପ୍ରକାଶ : ୩ ଜଣଙ୍କୁ ଦୋଷୀ ସାବ୍ୟସ୍ତ କଲେ ଅଦାଲତ
ପୁରୀ : ବହୁଚର୍ଚ୍ଚିତ ପୁରୀ ଜିଲ୍ଲା ଅସ୍ତରଙ୍ଗ ଦିନାଡିଆ ଗ୍ରାମର ପୂର୍ବତନ ଡିଆଇ ଦିନବନ୍ଧୁ ମଳିକ ପରିବାରର ୪ ଜଣଙ୍କୁ ହତ୍ୟା ମାମଲାର ରାୟ ଆଜି ପ୍ରକାଶ ପାଇଛି। ଏହି ହତ୍ୟାକାଣ୍ଡ ମାମଲାରେ ଚୂଡାନ୍ତ ରାୟ ପ୍ରକାଶ କରିଛନ୍ତି ନିମାପଡା ଅତିରିକ୍ତ ଦୌରା ଜଜ୍ । ଏହି ଘଟଣାରେ ୩ ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି କୋର୍ଟ। ସେମାନେ ହେଲେ ଆୟାଶା ବେଗମ୍, ହିମାଦ୍ରି ଦାସ, ଦିନବନ୍ଧୁଙ୍କ ସଡୁ ଫକୀର।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ଯେ, ୨୦୧୫ ସେପ୍ଟେମ୍ବର ୨୧ ତାରିଖରେ ଦିନବନ୍ଧୁ ମଳିକଙ୍କ ପରିବାରକୁ ମୁଳପୋଛ କରିଦିଆଯାଇଥିଲା । ଦିନବନ୍ଧୁ, ତାଙ୍କ ସ୍ତ୍ରୀ ନିର୍ମଳା ଓ ୨ ଝିଅ ପ୍ରଣତୀ ଓ ଶାସ୍ୱତୀଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା । ଏହି ହତ୍ୟାକାଣ୍ଡ ସେତେବେଳେ ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଥିଲା। ଏହି ଲୋମଟାଙ୍କୁରା ଘଟଣାର ତଦନ୍ତ ଭାର ମୁଖ୍ୟମନ୍ତ୍ରୀ କ୍ରାଇମବ୍ରାଞ୍ଚକୁ ଦେଇଥିଲେ । ହତ୍ୟାକାଣ୍ଡର ମାଷ୍ଟର ମାଇଣ୍ଡ ଦିନବନ୍ଧୁଙ୍କ ସଡୁ ଫକୀରଙ୍କୁ ପ୍ରଥମେ ଗିରଫ କରାଯାଇଥିଲା । ଏହାପରେ ଏହି ଘଟଣା ୨ ମାସ ପରେ କୋଲକାତାର ହିମାଦ୍ରି ଶେଖର ଓ ତାଙ୍କ ସ୍ତ୍ରୀ ଆୟେଶା ବେଗମ୍କୁ ଗିରଫ କରିଥିଲା କ୍ରାଇମ୍ବ୍ରାଞ୍ଚ । ଏମାନଙ୍କୁ ଆଜି କୋର୍ଟ ଦୋଷୀ ସାବ୍ୟସ୍ତ କରିଥିବା ବେଳେ ଏବେ ଏମାନେ ନିମାପଡା ସବ୍ ଜେଲରେ ବନ୍ଦି ଜୀବନ ବିତାଉଛନ୍ତି ।