ନାବାଳିକାଙ୍କୁ ଦୁଷ୍କର୍ମ ମାମଲା, ଅଭିଯୁକ୍ତକୁ କୋର୍ଟ ଚାଲାଣ

ଜୟପୁର: ଜୟପୁର ସଦରଥାନା ଅଂଚଳର ଜୈନେକା ନାବାଳିକାଙ୍କୁ ଜଣେ ଯୁବକ ଅପହରଣ କରି ଦୁଷ୍କର୍ମ କରିବା ଅଭିଯୋଗକୁ ନେଇ ସଦର ଥାନାରେ ମାମଲା ରୁଜୁ ହୋଇିଛି। ଏହି ମାମଲାରେ ଅଭିଯୁକ୍ତ ଥିବା ସଦର ଥାନା ଅର୍ନ୍ତଗତ ପଣସପୁଟ ଵାଗ୍ରାଗାଁର ମନୋଜ ଖିଲ(୨୧)କୁ ସଦର ଥାନା ପୁଲିସ ଦଫା ୩୭୬(୨)(ଏନ),୩୭୬(୩),୩୬୩,୩୪୨, ସହ୪/ ୬ପକ୍ସୋ ଆକ୍ଟରେ ଗିରଫ କରି କୋର୍ଟକୁ ଚାଳାଣ କରାଯାଇଥିବା କହିଛନ୍ତି ସଦର ଥାନା ଅଧିକାରୀ ଇଶ୍ଵର ତାଣ୍ଡି। ମିଳିଥିବା ସୂଚନା ମୁତାବକ, ଗତ ଏପ୍ରିଲ ୧୮ତାରିଖ ଦିନ ନାବାଳିକା ଜଣକ ଗାଁକୁ ନିଜ ଘରକୁ ଫେରୁଥିଲେ। ଏ ସମୟରେ ଅଭିଯୁକ୍ତ ଅପହରଣ କରି ନେଇଥିଲେ । ସେ ଘରକୁ ସାଙ୍ଗରେ ନେଇ ଛାଡି ଦେବେ ବୋଲି କହିଥିଲେ। ପରେ ନାବାଳିକାର ଇଛା ବି‌ରୋଧରେ ଜୋର ଜବରଦସ୍ତ ଅଭିଯୁକ୍ତ ଦୁଷ୍କର୍ମ କରିଥିଲେ

 ଘଟଣାର ତଦନ୍ତ କରି ଅଭିଯୁକ୍ତଙ୍କୁ ପୁଲିସ ଗିରଫ କରିଥିଲେ। ଅଭିଯୁକ୍ତ ଓ ପିଡୀତାଙ୍କର ଡାକ୍ତରୀ ମାଇନା କରିଥିଲେ। ମାଜିଷ୍ଟ୍ରେଟଙ୍କ ନିକଟରେ ପିଡୀତାଙ୍କ ବୟାନ ଲିପିବଦ୍ଧ କରାଇବା ସହ ଅଭିଯୁକ୍ତକୁ କୋର୍ଟକୁ ଚାଳାଣ କରାଯାଇଥିବା କହିଛନ୍ତି ସଦର ଥାନା ଅଧିକାରୀ। କୋର୍ଟ ଅଭିଯୁକ୍ତକୁ ବିଚାରବିଭାଗୀୟ ହାଜତକୁ ପଠାଇ ଦେଇଥିବା କହିଛନ୍ତି ସଦର ଥାନା ଅଧିକାରୀ।