ଯୁବତୀଙ୍କୁ ଦୁଷ୍କର୍ମ ଅଭିଯୋଗ, ଜେଲ୍‌ ଗଲା ଅଭିଯୁକ୍ତ

ମୁରିବାହାଲ: ବଲାଙ୍ଗୀର ଜିଲ୍ଲା ମୁରିବାହାଲ ଥାନା ଅଞ୍ଚଳର ଜଣେ ୧୯ ବର୍ଷୀୟା ଯୁବତୀଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଏହି ଘଟଣାରେ ପୁଲିସ ଏହି ଥାନା ଅନ୍ତର୍ଗତ ବାରବନ୍ଧ ବେହେରାଖାଇ ଗାଁର ବିବାହିତ ଯୁବକ ମିଥୁନ ଭୋଇ (୨୪)କୁ ଜେଲ୍‌ ହାଜତକୁ ପଠାଇଛି। ପୁଲିସର ସୂଚନା ଅନୁସାରେ, ପୀଡ଼ିତା ଓ ଅଭିଯୁକ୍ତ ନିଜ ନିଜ ପରିବାର ଲୋକଙ୍କ ସହ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିଲେ। ସେଠାରେ ବାପା ମା’ଙ୍କ ଅନୁପସ୍ଥିତିରେ ପୀଡ଼ିତାଙ୍କୁ ଅଭିଯୁକ୍ତ ଦୁଷ୍କର୍ମ କରିଥିଲା।

ସେଠାରୁ ଫେରିବା ପରେ ମଧ୍ୟ ଯୁବତୀଙ୍କ ଘରକୁ ଯାଇ ମିଥୁନ ଗଣ୍ଡଗୋଳ କରି ବାରମ୍ବାର ଦୁଷ୍କର୍ମ କରିଥିବା ଯୁବତୀ ସୋମବାର ଥାନାରେ ଏତଲା ଦେଇଥିଲେ। ଯୁବତୀଙ୍କ ଏତଲା ଆଧାରରେ ପୁଲିସ ଥାନା କେସ୍‌ ନଂ ୧୨୮/୨୩ରେ ଅଭିଯୁକ୍ତ ମିଥୁନକୁ ଗିରଫ କରି କୋର୍ଟଚାଲାଣ କରିଥିଲା। ଜାମିନ ନାମଞ୍ଜୁର ହେବାରୁ ତାକୁ ବିଚାର ବିଭାଗୀୟ ଜେଲ୍‌ ହାଜତକୁ ପଠାଇ ଦିଆଯାଇଛି ବୋଲି ଆଇଆଇସି ସିପୋରା ସରାୟ ଲୁଗୁନ ପ୍ରକାଶ କରିଛନ୍ତି।