୩ ଶିଶୁ ଶ୍ରମିକଙ୍କୁ ଉଦ୍ଧାର କଲା ଚାଇଲଡ୍ ଲାଇନ୍, କାମ କରିବାକୁ ଆନ୍ଧ୍ରର ଗୁଣ୍ଟୁର ସହରକୁ ଯାଉଥିଲେ
ରାୟଗଡ଼ା : ରାୟଗଡ଼ା ବସଷ୍ଟାଣ୍ଡରୁ ଆଜି ଚାଇଲଡ୍ ଲାଇନ୍ କର୍ତ୍ତୃପକ୍ଷ ୩ ଶିଶୁ ଶ୍ରମିକଙ୍କୁ ଉଦ୍ଧାର କରିଛନ୍ତି । ଉଦ୍ଧାର ୩ ଜଣଙ୍କୁ ପୁଲିସ୍, ପ୍ରଶାସନର ସହଯୋଗରେ ଆଜି ସଂଧ୍ୟାରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ଚାଇଲଡ୍ ଲାଇନର ସଂଯୋଜିକା କେ. ନୀଳାବେଣୀ ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ଅପରାହଣରେ ରାୟଗଡ଼ା ବ୍ଲକ୍ ମାଟିକଣା ପଞ୍ଚାୟତ ବାହାରାମ୍ବୁ ଗ୍ରାମର ୧୫ ଜଣ ଝିଅ ଆନ୍ଧ୍ରପ୍ରଦେଶର ଗୁଣ୍ଟୁର ସହରକୁ କାମ କରିବାକୁ ଯିବା ପାଇଁ ରାୟଗଡ଼ା ବସଷ୍ଟାଣ୍ଡରେ ପହଞ୍ଚିଥିଲେ। ଏ ସଂପର୍କରେ ଚାଇଲଡ୍ ଲାଇନ୍ କର୍ତ୍ତୃପକ୍ଷ ସୂଚନା ପାଇବା ପରେ ରାୟଗଡ଼ା ପୁଲିସ୍ ସହାୟତାରେ ବସଷ୍ଟାଣ୍ଡରେ ପହଞ୍ଚିଥିଲେ । ଚାଇଲଡ୍ ଲାଇନ୍ କାଉନସିଲର ପି. ପୂର୍ଣ୍ଣମାସୀ ସମସ୍ତ ଝିଅକୁ ପଚରାଉଚରା କରିବା ପରେ ସେମାନଙ୍କ ମଧ୍ୟରୁ ୧୨ ଜଣଙ୍କ ବୟସ ୧୮ ବର୍ଷରୁ ଅଧିକ ଥିବା ଜଣା ପଡିଥିଲା । ପୁଲିସ୍ ୧୨ ଝିଅକୁ ଛାଡ଼ି ଦେଇଥିବା ବେଳେ ଅବଶିଷ୍ଟ ୩ ନାବାଳିକାଙ୍କୁ ସର୍ଟ ଷ୍ଟେ ହୋମ୍ ସ୍ନେହାରେ ଅଟକ ରଖିଥିଲା। ଖବର ପାଇ ସଂଧ୍ୟାରେ ପରିବାର ଲୋକ ପହଞ୍ଚିବା ପରେ ସମସ୍ତଙ୍କୁ ଘରକୁ ଛାଡ଼ି ଦିଆଯାଇଛି ।