ମୁନିଖୋଲ ନିକଟରେ ମାଲବାହୀ ଟ୍ରେନ ଲାଇନଚ୍ୟୁତ

ମୁନିଗୁଡ଼ା: ରାୟଗଡ଼ା-ଭବାନୀପାଟଣା ରେଳ ଲାଇନର ମୁନିଖୋଲ ନିକଟରେ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି। ପୂର୍ବାହ୍ନ ସାଢେ଼ ୧୧ଟାରେ ଏହି ଘଟଣା ଘଟିଛି। ଟ୍ରେନର ୫ଟି ବଗି ଲାଇନରୁ ତଳକୁ ଖସି ପଡ଼ିଛି। ଖବର ପାଇ ରେଳ ବିଭାଗ ଅଧିକାରୀ ଓ ଯାନ୍ତ୍ରିକ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି। ଟ୍ରେନଟି ତେଲ ନେଇ ବିଶାଖାପାଟଣାରୁ ରାୟପୁର ଅଭିମୁଖେ ଯାଉଥିଲା। ଦୁର୍ଘଟଣା ପରେ ମୁନିଗୁଡ଼ା-ଜୁନାଗଡ଼ ରୋଡ ମଧ୍ୟରେ ରେଳ ଚଳାଚଳ ବନ୍ଦ ରହିଛି।