ପ୍ଲାଷ୍ଟିକ ବୋରା ଗୋଦାମରୁ ୧୬ଜଣ ଶିଶୁ ଶ୍ରମିକ ଉଦ୍ଧାର : ଗୋଦାମ ମାଲିକ ଥାନାରେ ଅଟକ
ରାଉରକେଲା : ହାତିବାରୀ ବୈଦନାଥପୁର ଗାଁରେ ଥିବା ଏକ ପ୍ଲାଷ୍ଟିକ ବୋରା ଗୋଦାମରୁ ପୁଲିସ ଓ ଚାଇଲଡ ଲାଇନ ଟିମ ୧୬ଜଣ ଶିଶୁ ଶ୍ରମିକଙ୍କୁ ଉଦ୍ଧାର କରିଛି। ଏମାନଙ୍କ ମଧ୍ୟରେ ୧୪ଜଣ ସ୍କୁଲ ଛାତ୍ରୀ ଓ ଦୁଇଜଣ ଛାତ୍ର ଅଛନ୍ତିl ଶିଶୁ ମଙ୍ଗଳ କମିଟି ଛାତ୍ରଛାତ୍ରୀଙ୍କୁ ଉଦ୍ଧାର କରି ବୀରମିତ୍ର ପୁଲିସକୁ ଜିମା ଦେଇଛି l ଗୋଦାମ ମାଲିକ ସ୍କୁଲ ଶିକ୍ଷକ ଗଣେଶ ଯାଦବଙ୍କୁ ପୁଲିସ ଅଟକ ରଖି ପଚରାଉଚରା କରୁଛି l
Sambad is now on WhatsApp
Join and get latest news updates delivered to you via WhatsApp
ପିଲାମାନକୁ ଅଟକ ରଖା ଯାଇଥିବାରୁ ଅଭିଭାବକମାନେ ବୀରମିତ୍ରପୁର ଥାନାରେ ପହଞ୍ଚି ପାଟିତୁଣ୍ଡ କରିବାରୁ ଉତ୍ତେଜନା ଦେଖା ଦେଇଛି।
ମିଳିଥିବା ସୂଚନା ମୁତାବକ ହାତିବାରୀ ବୈଦନାଥପୁର ଗାଁରେ ସ୍କୁଲ ଶିକ୍ଷକ ଗଣେଶଙ୍କର ଏକ ପ୍ଲାଷ୍ଟିକ ବୋରା ଗୋଦାମ ରହିଛି l କରୋନା କଟକଣା ପାଇଁ ସ୍କୁଲ ବନ୍ଦ ଥିବାରୁ ଶିକ୍ଷକ ଗଣେଶ ପିଲାମାନଙ୍କୁ ଗୋଦାମରେ ବୁରା ସିଲେଇ କାମ କରାଉ ଥିଲେ l ଗାଁ ଲୋକ ସ୍କୁଲ ପିଲାମାନେ କାମ କରୁଥିବା ଦେଖି ଚାଇଲଡ ଲାଇନକୁ ସୂଚନା ଦେଇଥିଲେ l
ଚାଇଲଡ ଲାଇନର ଅଧିକାରୀ ଏ ସଂକ୍ରାନ୍ତରେ ଜିଲ୍ଲା ଶିଶୁ ମଙ୍ଗଳ କମିଟି,ବୀରମିତ୍ର ପୁଲିସକୁ ଜଣାଇ ଥିଲେ l ପରେ ପୁଲିସ ଓ ଚାଇଲଡ ଲାଇନ ଟିମ ଗୋଦାମରେ ଚଢ଼ଉ କରି କାମ କରୁଥିବା ଶିଶୁ ଶ୍ରମିକଙ୍କୁ ଉଦ୍ଧାର କରିଛି।