ଖୋର୍ଦ୍ଧା : କରୋନା ସଂକ୍ରମଣ ସମୟରେ ନିଷ୍ଠାପର ଭାବେ ସଫେଇ କର୍ମଚାରୀ, ସ୍ୱଚ୍ଛସାଥି ସଫେଇ କାର୍ଯ୍ୟ କରିଥିବାରୁ ସେମାନଙ୍କୁ ଖୋର୍ଦ୍ଧା ପୌର ପ୍ରଶାସନ ପକ୍ଷରୁ ସମ୍ମାନିତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଏକ କାର୍ଯ୍ୟକ୍ରମରେ ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ଜିଲ୍ଲାପାଳ ସନତ କୁମାର ମହାନ୍ତି, ପିଡି ଡିଆରଡିଏ ଦିଗନ୍ତ ରାଉତରାୟ, ଜିଲ୍ଲା ସହରାଂଚଳ ବିକାଶ ପ୍ରକଳ୍ପ ନିର୍ଦେଶକ, ପୌର ନିର୍ବାହୀ ଅଧିକାରୀ ଶ୍ୱେତପଦ୍ମା ଶତପଥୀ ଓ ଅନ୍ୟ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ । ସଫେଇ କର୍ମଚାରୀ, ସ୍ୱଚ୍ଛସାଥି, ସ୍ୱଚ୍ଛ ସୁପରଭାଇଜର, ଆବର୍ଜନା ଉଠାଇବା ଗାଡ଼ି ଚାଳକଙ୍କ ସକାଶେ ଏକ ଖାଦ୍ୟପେୟର ଆୟୋଜନ କରାଯିବା ସହ ସେମାନଙ୍କୁ ନିଜ ହାତରେ ଅଧିକାରୀମାନେ ଖାଦ୍ୟ ପରଷିଥିଲେ । କରୋନା ସମୟରେ ସହରକୁ ସ୍ୱଚ୍ଛ ଓ ପରିଷ୍କାର ରଖିବାରେ ନିଷ୍ଠାପର ଭାବେ କାର୍ଯ୍ୟକରିଥିବାରୁ ପ୍ରଶଂସିତ କରିଥିଲେ । ଏହି ଅବସରରେ ସହରର ପରିମଳ ବ୍ୟବସ୍ଥା ନିମନ୍ତେ ନିୟମିତ ଅଳିଆ ଆବର୍ଜନା ଉଠାଇବା ସକାଶେ ୫ଟି ଟାଟା ଏସି ଗାଡ଼ିର ଶୁଭାରମ୍ଭ କରାଯାଇଥିଲା ।