କେବିସିରେ ସମ୍ବଲପୁରର ବୋହୂ ଡ.ସସ୍ମିତା କର, ପ୍ରସାରଣ ଆଜି
ସମ୍ବଲପୁର: ରମାଦେବୀ ମହିଳା ବିଶ୍ବବିଦ୍ୟାଳୟ ଭୁବନେଶ୍ବରର ଶିକ୍ଷା ବିଭାଗର ଆସିଷ୍ଟାଣ୍ଟ ପ୍ରଫେସର ଡ. ସସ୍ମିତା କର ଲୋକପ୍ରିୟ ରିୟଲିଟି ସୋ’ ‘କୌନ ବନେଗା କରୋଡପତି (କେବିସି)’ରେ ଭାଗ ନେଇ ୩ ଲକ୍ଷ ୨୦ ହଜାର ଟଙ୍କା ଜିତିଛନ୍ତି। ଡ. କର ହଟ୍ସିଟ୍କୁ ଯାଇ ଅମିତାଭ୍ ବଚ୍ଚନଙ୍କ ସହ ଏହି ଗେମ୍ ସୋ’ ଖେଳିବାର ସୌଭାଗ୍ୟ ହାସଲ କରିଥିଲେ। ସେ ୧୦ଟି ପ୍ରଶ୍ନର ଠିକ୍ ଉତ୍ତର ଦେଇ ୩ ଲକ୍ଷ ୨୦ ହଜାର ଟଙ୍କା ଜିତିଥିଲେ। ତେବେ ସମସ୍ତ ଲାଇଫ୍ଲାଇନ୍ ଶେଷ ହୋଇଯିବାରୁ ଆଉ ଅଧିକ ଆଗକୁ ବଢ଼ିପାରି ନଥିଲେ। ସସ୍ମିତା ଭାଗ ନେଇଥିବା ଅଧ୍ୟାୟ ଦ୍ବୟ ଗୁରୁବାର ଓ ଶୁକ୍ରବାର ରାତି ୯ଟାରେ ସୋନି ଟିଭିରେ ପ୍ରସାରିତ ହେବ। ସମ୍ବଲପୁରର ବରିଷ୍ଠ ସାମ୍ବାଦିକ ସୁକାନ୍ତ କରଙ୍କ ପତ୍ନୀ ତଥା ଶିକ୍ଷାବିତ ବାଳକୃଷ୍ଣ କରଙ୍କ ସାନ ବୋହୂ ସସ୍ମିତା କଟକ ଜିଲ୍ଲା ପହଙ୍ଗା (ନିଆଳି) ନିବାସୀ ବଟକୃଷ୍ଣ ଷଡ଼ଙ୍ଗୀଙ୍କ କନିଷ୍ଠା କନ୍ୟା ଅଟନ୍ତି।