ସମ୍ବଲପୁର: ଟ୍ରେଲର ଧକ୍କାରେ ୧ ମୃତ, ୨ ଗୁରୁତର
ସମ୍ବଲପୁର: ସମ୍ବଲପୁର ଜିଲ୍ଳା ଧନୁପାଲି ଥାନା ନିକଟସ୍ଥ ଖଲିଆ ବନ୍ଧୁ ଛକରେ ଏକ ଅଭାବନୀୟ ଘଟଣା ଘଟିଯାଇଛି। ଖଲିଆ ବନ୍ଧୁ ଛକରେ ଏକ ଚା’ ଦୋକାନରେ ଚା’ ପିଉଥିବା ବେଳେ ଏକ ଟ୍ରେଲର ଧକ୍କାରରେ ଜଣଙ୍କର ମୃତ୍ୟୁ ଘଟିଛି ଓ ଆଉ ୨ ଜଣ ଗୁରୁତର ଆହତ ହୋଇଛନ୍ତି। ଖଲିଆ ବନ୍ଧୁ ଛକରେ ଏକ ଚା’ ଦୋକାନରେ ୩ ଜଣ ଛିଡ଼ା ହୋଇ ଚା’ ପିଉଥିବା ବେଳେ ଏକ ଟ୍ରେଲର୍ ଖାମଖିଆଲି ଭାବେ ପଛପଟୁ ଆସିଥିଲା। ଟ୍ରେଲରଟି ଆସି ପଛ ପଟୁ ପିଟି ଦେଇ ଫେରାର୍ କେଉଁଆଡ଼େ ହୋଇଯାଇଥିଲା। ଘଟଣାସ୍ଥଳରେ ହିଁ ଖଣ୍ଡୁଆଳ ଗ୍ରାମର ତ୍ରିଳୋଚନ ମାଝୀ(୪୫)ଙ୍କର ମୃତ୍ୟୁ ଘଟିଛି। ଅନ୍ୟ ୨ ଜଣଙ୍କୁ ଗୁରୁତର ଅବସ୍ଥାରେ ବୁର୍ଲା ମେଡିକାଲକୁ ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଧନୁପାଲି ପୁଲିସ୍ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ପୁଲିସ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ତେବେ, ଦୁଇ ଆହତ ଓ ଦୁର୍ଘଟଣା ଘଟାଇଥିବା ବ୍ୟକ୍ତିଙ୍କର ଏଯାବତ୍ କୌଣସି ପରିଚୟ ମିଳିପାରି ନାହିଁ।