ସମ୍ବଲପୁର: ଆସନ୍ତା ୨୦ ତାରିଖ ଦିନ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ସମ୍ବଲପୁର ଗସ୍ତରେ ଆସିବେ। ସମ୍ବଲପୁର ଷ୍ଟେସନଠାରେ ସଂପ୍ରସାରିତ ୱାଲଟିୟର-ବନାରସ ଟ୍ରେନକୁ ସବୁଜ ପତାକା ଦେଖାଇ ଶୁଭାରମ୍ଭ କରିବେ। ଏହି ଟ୍ରେନ ପୂର୍ବରୁ ସମ୍ବଲପୁରରୁ ବନାରସକୁ ଯାତ୍ରା କରୁଥିଲା। ସଂପ୍ରସାରିତ ହେବା ପରେ ମଧ୍ୟ ପୂର୍ବଭଳି ଯାତ୍ରା କରିବ। ଏହାଦ୍ୱାରା ବରଗଡ଼ ଓ ବଲାଙ୍ଗୀର ଜିଲ୍ଲାବାସୀଙ୍କ ସହିତ ୱାଲଟିୟର ପର୍ଯ୍ୟନ୍ତ ଲୋକେ ଉପକୃତ ହେବେ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ଯେ, ଏହା ହେଉଛି ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ପ୍ରଥମ ସମ୍ବଲପୁର ଗସ୍ତ। ପୂର୍ବରୁ ଯଦିଓ ସମ୍ବଲପୁରର ବିଭିନ୍ନ ପଡ଼ୋଶୀ ଝାରସୁଗୁଡ଼ା, ବରଗଡ଼ ଓ ବଲାଙ୍ଗୀର ସହ କିଛି ଜିଲ୍ଲା ଗସ୍ତ କରିଥିଲେ ବି ସମ୍ବଲପୁରକୁ ଆସିନଥିଲେ। କେନ୍ଦ୍ର ରେଳ ମନ୍ତ୍ରୀଙ୍କ ଏହି ଗସ୍ତକୁ ସଫଳ କରିବାକୁ ସମ୍ବଲପୁର ରେଳବାଇ ପକ୍ଷରୁ ତତ୍ପରତା ପ୍ରକାଶ ପାଇଛି।