କରୋନା କାହାଣୀ: ସଂଘର୍ଷ କରୁଛନ୍ତି ସଂଯୁକ୍ତା
ପଟ୍ଟାମୁଣ୍ତାଇ: ସ˚ଯୁକ୍ତା ନାୟକ। ପଟ୍ଟାମୁଣ୍ତାଇ ପୌରପରିଷଦ ଅନ୍ତର୍ଗତ ବଙ୍ଗାଳିଦିଆ ଗାଁର ୩ ନମ୍ବର ୱାର୍ଡରେ ଘର। ୨ ବର୍ଷ ତଳେ ପାଣ୍ଠି ସ˚ଚୟ କରି ସ୍ବୟ˚ସହାୟକ ଗୋଷ୍ଠୀର ସହାୟତାରେ ଆରମ୍ଭ କରିଥିଲେ ମିକ୍ସଚର ଓ ସିଲେଇ ମେସିନ କାମ। ଦୁଇ ପଇସା ରୋଜଗାର କରି ପରିବାର ଭରଣ ପୋଷଣ କରୁଥିଲେ। ସ୍ବାମୀ ଗାଁରେ ଏକ ଛୋଟ ଦୋକାନ କରି ତିଆରି ଜିନିଷକୁ ବିକ୍ରି କରିବାରେ ସହାୟକ ହେଉଥିଲେ। ମାସକୁ ୧୫/୨୦ ହଜାର ଟଙ୍କା ରୋଜଗାର ହେଉଥିଲେ। ମାତ୍ର କରୋନା ସବୁ ଉଜାଡି ଦେଲେ। ଭବିଷ୍ୟତ ସ୍ବପ୍ନ ଭାଙ୍ଗି ଚୂରମାର କରିଦେଲା। ବ˚ଚିବାକୁ ରାହା ନାହିଁ। ଜୀବନ ବ˚ଚିବା ଦୁର୍ବିସହ ହୋଇପଡିଛି।
Sambad is now on WhatsApp
Join and get latest news updates delivered to you via WhatsApp
ଏବେ ମାସ୍କ ତିଆରି କରି ବିକ୍ରି କରୁଛନ୍ତି। ମାସ୍କର ଚାହିଦା ବି କମିବାରେ ଲାଗିଛି। ଏବେ ମାସକୁ ୫ ହଜାର ଟଙ୍କା ରୋଜଗାର କରିବା କଷ୍ଟକର ବି ହୋଇପଡ଼ୁଛି। ଏହାରି ଭିତରେ ନିଜକୁ ତିଷ୍ଠି ରହିବା ପାଇଁ ସ˚ଘର୍ଷ କରୁଛନ୍ତି ସ˚ଯୁକ୍ତା। ଲକ ଡାଉନ ପରେ ଏସବୁ ଜିନିଷ ବିକ୍ରି ଏକପ୍ରକାର ଠପ ହୋଇଯାଇଛି। ଯେଉଁ ୩ ଜଣ ମହିଳାଙ୍କୁ କାମ ପାଇଁ ନିଯୁକ୍ତି ଦେଇଥିଲେ ସେମାନେ ମଧ୍ୟ ଆର୍ଥିକ ସ˚କଟ ମଧୢରେ ଗତି କରୁଛି। ସ˚ଯୁକ୍ତାଙ୍କ ଘରେ ଥିବା ୪ ଜଣ କୁଟୁମ୍ବ ଏବେ ଦୁର୍ଦିନରେ। ବ୍ୟାଙ୍କ ତାଙ୍କୁ ଆର୍ଥିକ ସହାୟତା ଯୋଗାଇଦେଲେ ସେ ପୁନରାୟ ନୁଆ ବ୍ୟବସାୟ କରିପାରେନ୍ତେ ବୋଲି ସ˚ଯୁକ୍ତା କହିଛନ୍ତି।