ଗୁପ୍ତ ଚ୍ୟାମ୍ବରରେ ଯାଉଥିଲା ଗଞ୍ଜେଇ, ମାଡିବସିଲା ପୁଲିସ
ନବରଙ୍ଗପୁର: ପୁଲିସ ଓ ଅବକାରୀ ବିଭାଗକୁ ଚକମା ଦେବାକୁ ଗଞ୍ଜେଇ ବେପାରୀଙ୍କ ଉଦ୍ୟମ ଫେଲ ମାରିଛି | କଣ୍ଟେନରରେ ଗୁପ୍ତ ଚ୍ୟାମ୍ବର କରି ଗଞ୍ଜେଇ ଚାଲାଣ କରୁଥିବାବେଳେ ପୁଲିସ ଏହି କଣ୍ଟେନରକୁ ଜବତ କରିଛି | ମିଳିଥିବା ସୂଚନା ମୁତାବକ ଆଜି ସକାଳୁ ମାଲକାନଗିରିରୁ ବିହାର ଅଭିମୁଖେ ଗଞ୍ଜେଇ ଚାଲାଣ ହେଉଥିବା ନେଇ ପୁଲିସ ପାଖରେ ଖବର ପହଞ୍ଚିଥିଲା |
Sambad is now on WhatsApp
Join and get latest news updates delivered to you via WhatsApp
ଏହା ପରେ ନବରଙ୍ଗପୁର ପୁଲିସ ନବରଙ୍ଗପୁର ସୀମାନ୍ତ ଇନ୍ଦ୍ରାବତୀ ପୋଲ ନିକଟରେ ଚଢ଼ାଉ କରି ଗଂଜେଇ ଭର୍ତ୍ତି କଣ୍ଟେନରକୁ ଜବତ କରିଥିଲା | ଗଞ୍ଜେଇ ଚାଲାଣ ଅଭିଯୋଗରେ ପୁଲିସ ବିହାର ଅଂଚଳର ୨ଯୁବକଙ୍କୁ ଅଟକ ରଖି ପଚରାଉଚରା କରୁଛି | ତେବେ ବଡ କଥା ଯେ ଗଞ୍ଜେଇକୁ ନେବା ପାଇଁ କଣ୍ଟେନର ମଧ୍ୟରେ ଏକ ସିକ୍ରେଟ ଚ୍ୟାମବର କରାଯାଇଥିଲା | ଚ୍ୟାମ୍ବରକୁ କାଟିବା ପରେ ଏଥିରୁ ୭୦ ପ୍ୟାକେଟ ଗଂଜେଇ ଜବତ କରାଯାଇଛି |
ଜବତ ହୋଇଥିବା ଗଞ୍ଜେଇର ଅନୁମାନିକ ମୂଲ୍ୟ ପ୍ରାୟ ୨୦ଲକ୍ଷ ଟଙ୍କା ହେବ ବୋଲି ଜଣାପଡିଛି | ପ୍ରକାଶ ଥାଉକି ଗତକାଲି ଗୋଟିଏ ଯାଇଲୋ ଗାଡି ସହ ୮୭କେଜି ଗଞ୍ଜେଇ ଜବତ କରିବା ସହ ୨ଜଣକୁ ଗିରଫ କରାଯାଇଥିଲା |